Mumbai : भाजप vs शिवसेना आमने–सामने! एकाच कुटुंबातील दोन उमेदवारांमुळे राजकीय वातावरण तापलं

Dombivli : गेल्या काही दिवसांत भाजप आणि शिवसेना पक्षात एकमेकांचे माजी नगरसेवक, पदाधिकारी व कार्यकर्ते आपल्या गटात खेचून घेण्याची चढाओढ सुरू आहे. त्यामुळे फोडाफोडीचे राजकारण चांगलेच तापले आहे. काही दिवसांपूर्वी उपमुख्यमंत्री एकनाथ शिंदे आणि भाजप प्रदेशाध्यक्ष रवींद्र चव्हाण हे एकाच मंचावर दिसल्याने, दोन्ही पक्षांमधील तणाव निवळल्याचे म्हटले जात होते. मात्र आता पुन्हा एकदा या दोघांमधील ‘कोल्ड वॉर’ उघड झाल्याचे दिसून येत आहे.

डोंबिवली पश्चिम येथील पॅनल क्रमांक २२ मध्ये शिवसेना विरुद्ध भाजप अशी थेट लढत अपेक्षित आहे. याच पार्श्वभूमीवर शिवसेनेने दिवंगत माजी नगरसेवक आणि केडीएमसीचे माजी सभापती वामन म्हात्रे यांचे बंधू बाळा म्हात्रे यांना निवडणूक रिंगणात उतरवण्याची तयारी केली आहे. दुसरीकडे भाजपने वामन म्हात्रे यांचे पुत्र अनमोल म्हात्रे यांना उमेदवार करण्याची आखणी केली असून, काही दिवसांपूर्वीच त्यांनी भाजपमध्ये प्रवेश केला होता. या प्रवेशामुळे कल्याण-डोंबिवली परिसरात मोठी चर्चा रंगली होती.

Mumbai : दहिसर–भाईंदर फक्त ५ मिनिटांत! ४५ मीटर रुंदीचा एलिव्हेटेड रोड उभारणार; बीएमसीची मोठी घोषणा

डोंबिवली पश्चिममधील पॅनल २२ च्या निवडणूक कार्यालयाचे उद्घाटन उपमुख्यमंत्री एकनाथ शिंदे यांच्या हस्ते झाले. यावेळी बोलताना शिंदे म्हणाले, “आपले वामन म्हात्रे योग्य लढत होते. त्यांचा खरा आशीर्वाद बाळा म्हात्रे यांनाच आहे. 

वामन म्हात्रे म्हणायचे, ‘मी जिथे जातो तिथे सत्ता येते’ आणि ते खरे ठरायचे. बाळा म्हात्रे आपल्याकडे आहेत, त्यामुळे याचा अर्थ तुम्ही समजून घ्यावा.”

यानंतर रवींद्र चव्हाण यांनी त्याच्यावर प्रतिक्रिया देताना म्हटले, “प्रत्येकजण काहीतरी आपापल्या पद्धतीने बोलत असतो. सर्वांना माहिती आहे की वामन म्हात्रे आणि माझे किती जवळचे संबंध होते. त्यांनी अनेक वेळा माझ्यावर आशीर्वाद ठेवला आहे आणि हे सिद्धही झाले आहे. वामन म्हात्रे यांची मुलगी भांडुपमध्ये भाजपची नगरसेविका आहे. युती झाली किंवा नाही, 

अनमोलला आशीर्वाद द्यावा अशी त्यांची इच्छा होती. त्यामुळे मी ठरवले की अनमोल यांनाच वामन म्हात्रे यांच्या आशिर्वादाची परंपरा मिळाली पाहिजे. माझा आशिर्वाद तर आहेच.” त्यामुळे शिंदे आणि चव्हाण यांच्यातील मतभेद पुन्हा स्पष्ट झाले आहेत.

दिवंगत नगरसेवक वामन म्हात्रे हे शिवसेनेचे पाच वेळा नगरसेवक राहिले होते, त्यापैकी एकदा ते अपक्ष म्हणून निवडून आले होते. तसेच ते केडीएमसीचे तीन वेळा सभापती म्हणूनही कार्यरत होते.