Pune : MPSC च्या विद्यार्थ्याची आत्महत्या, राहत्या घरी घेतला गळफास; पुण्यात खळबळ

Pune : महाराष्ट्र लोकसेवा आयोगाच्या (एमपीएससी) स्पर्धा परीक्षेची तयारी करणाऱ्या एका २६ वर्षीय तरुणाने गळफास घेऊन आत्महत्या केल्याची घटना शुक्रवारी (ता. २८) घडली. सागर सुभाष पवार (वय २६, रा. सदाशिव पेठ) असे त्या तरुणाचे नाव आहे.

सागर हा मूळचा बुलडाणा जिल्ह्यातील मेहकर येथील मिलिंदनगरमधील रहिवासी आहे. तो एमपीएससीची तयारी करण्यासाठी पुण्यात वास्तव्यास होता. मागील दोन महिन्यांपासून तो सदाशिव पेठ परिसरात राहत होता. स्पर्धा परीक्षेचा ताण आणि नैराश्यातून त्याने आत्महत्या केल्याचा प्राथमिक अंदाज पोलिसांनी व्यक्त केला.

Election Update : निवडणुका वेळापत्रकानुसारच! स्थगितीची मागणी फेटाळली; न्यायालयाने दिले स्पष्ट आदेश

पूना हॉस्पिटलसमोर राहत्या घरात सकाळी आठ वाजण्याच्या सुमारास तरुणाचा मृतदेह आढळल्याची माहिती पोलिस नियंत्रण कक्षात मिळाली. त्यानंतर पोलिसांनी तत्काळ घटनास्थळी धाव घेतली. पोलिसांनी घटनास्थळाचा पंचनामा करून मृतदेह वैद्यकीय तपासणीसाठी ससून रुग्णालयात पाठवला आहे. या प्रकरणी विश्रामबाग पोलिस ठाण्यात अकस्मात मृत्यूची नोंद करण्यात आली आहे.