Pune : पुणे विमानतळावर A-321 विमानांची भरारी; प्रवासी क्षमता ४० टक्क्यांनी वाढली, एका दिवसातील प्रवासी संख्या ३५ हजारांवर पोहोचली

Pune : विमान कंपन्यांनी आता 'ए-३२०'पेक्षा 'ए-३२१' प्रकारच्या विमानांचा वापर वाढविला आहे. पुण्यातून दररोज 'ए-३२१' प्रकारच्या विमानांची सुमारे ७० हून अधिक उड्डाणे होत आहेत. याची प्रवासी क्षमता तुलनेने जास्त आहे.

पुणे विमानतळावरून दररोज सुमारे १०० विमानांचे उड्डाण होते, तर १०० विमाने उतरतात. काही दिवसापूर्वी बहुतांश कंपन्या 'ए-३२०' विमानाचा वापर करत होत्या, याची क्षमता १८० प्रवाशांची आहे, तर 'ए-३२१' विमानाची प्रवासी क्षमता २२० आहे. विमान बदलल्याने ४० प्रवासी वाढले. पुणे विमानतळावरून काही महिन्यांपूर्वी 'ए-३२०' प्रकाराच्या ३५ विमानांचे उड्डाण होत होते. त्याची संख्या आता ७०च्या पुढे गेली आहे. परिणामी, प्रवाशांची संख्या वाढली आहे.

Sambhajinagar : संभाजीनगरमध्ये धक्कादायक घटना: बापाची हत्या करून मृतदेह घरात दफन, दुर्गंधीने उघडले थरकाप उडवणारे रहस्य

काही दिवसांपूर्वी पुणे विमानतळावरून एका दिवसात ३५ हजारांहून अधिक प्रवाशांनी प्रवास केला असून, आतापर्यंतची सर्वांत जास्त संख्या आहे. गेल्या हंगामात ही संख्या सुमारे ३० हजार होती. त्या वेळीही विमानांची दैनंदिन वाहतूक सुमारे २०० होती. आताही विमानांची दैनंदिन वाहतूक सुमारे २०० इतकी आहे.

पुणे विमानतळ देशातील टॉप १० विमानतळांपैकी एक आहे. हवाई दलाचे प्रमुख तळ असल्याने येथून विमानांची संख्या वाढविण्याला मर्यादा येतात. मात्र, पुणे विमानतळावर सेवा देणाऱ्या कंपन्यांनी अनेक मार्गावर 'ए-३२१' विमानांचा वापर वाढविला आहे. परिणामी, जास्त प्रवाशांची वाहतूक होत आहे. कंपन्यांसह प्रवाशांच्या दृष्टीने सोयीचे ठरत आहे.

-- अमेय जोशी, हवाई वाहतूक अभ्यासक, पुणे