Mumbai : मुंबईत दोन ठिकाणी आगीच्या घटना; नागरिकांमध्ये भीतीचं वातावरण, अग्निशमन दलाच्या गाड्या घटनास्थळी

Mumbai : मुंबईतील दिवसभरात दोन ठिकाणी आगीच्या घटना घडल्या आहेत. मुंबईतील विक्रोळी आणि कुर्ला येथे आज बुधवारी दुपारी आगीच्या घटना घडल्या. आग लागल्यानंतर नागरिकांची एकच धावाधाव झाली. आग लागल्याची माहिती मिळताच अग्निशमन दलाच्या गाड्या घटनास्थळी पोहोचले.

मुंबईतील विक्रोळी पूर्व टागोर नगर ग्रुप नंबर तीन या ठिकाणी पार्किंगमध्ये उभ्या असलेल्या एका कारला भीषण आग लागल्याची घटना घडली. या आगीत कार जळून खाक झाली आहे. तर सुदैवाने यात कुठल्याही प्रकारची जीवितहानी झालेली नाही. आग लागल्याची माहिती मिळताच घटनास्थळी अग्निशमन दलाच्या दोन गाड्या दाखल झाल्या.

Pune : मुंब्रा प्रकरणानंतर पुण्यात मोठी कारवाई, कोंढव्यात एकजण अटकेत; दहशतवादी जुबेर हंगरगेकरशी संबंध उघड

अग्निशमन दलाच्या जवानांच्या यशस्वी प्रयत्नाने आगीवर नियंत्रण मिळवण्यात आलं आहे. याच कारच्या आजूबाजूला अनेक गाड्या पार्किंग होत्या. सुदैवाने या गाड्यांना आग लागली नाही. मात्र ही आग कशामुळे लागली आहे, याची अद्याप माहिती समोर आली नाही. पोलीस आणि अग्निशमन दल याचा अधिक तपास करत आहेत.

कुर्ल्यातील एलबीएस मार्गावरील सन लाईट हॉटेलला आग लागल्याची घटना घडली आहे. आग लागल्याची माहिती मिळताच अग्निशमन दल घटनास्थळी दाखल झालं. सन लाईट हॉटेलच्या ग्राउंड फ्लोअरला ही आग लागली. या आगीच्या घटनेत कोणतीही जीवितहानी झालेली नाही. मात्र हॉटेलचे मोठ्या प्रमाणात नुकसान झालं आहे.