Delhi : प्राथमिक तपास सुरू; पोलिसांनी दोन जणांना चौकशीसाठी ताब्यात घेतलं,, १३ जणांचा मृत्यू

Delhi : राजधानी दिल्लीतल्या ऐतिहासिक लाल किल्ल्याजवळ (सोमवारी) सायंकाळी सात वाजण्याच्या दरम्यान भीषण स्फोट झाला. एका कारमध्ये हा स्फोट झाला असून स्फोटासाठी कोणतं स्फोटक वापरण्यात आलेलं होतं, हे अद्याप पुढे आलेलं आहे. मात्र हा दहशतवादी हल्ला आहे, अशी प्राथमिक माहिती आहे. देशातील सर्व प्रमुख तपास यंत्रणा तपास करीत आहेत.

रात्री ९ वाजून १५ मिनिटांनी हाती आलेल्या माहितीनुसार, या दहशतवादी हल्ल्यामध्ये १३ जणांचा मृत्यू झाला आहे. तर २५ पेक्षा जास्त लोक जखमी झालेले आहेत. स्फोट एवढा शक्तिशाली होता की, मृतांच्या शरीराच्या अक्षरशः चिंधड्या उडाल्या. स्फोटामुळे लागलेल्या आगीत एक डझनहून अधिक गाड्या जळून खाक झाल्या आहेत.

Pune : पुण्यातील बोपोडी जमीन व्यवहारात ट्विस्ट; अमेडीया कंपनी आणि शीतल तेजवानीला क्लीन चिट, पोलिसांचा युटर्न

या स्फोटानंतर दिल्लीमध्ये उच्चस्तरिय बैठकीला सुरुवात झाली आहे. केंद्रीय गृहमंत्री अमित शाह यांच्या उपस्थितीत बैठक सुरु असल्याची माहिती आहे. हा हल्ला नेमका कुणी केला, घटनास्थळी स्फोटकं कशी आली, स्फोटासाठी काय वापरलं, याबाबत अद्याप कुठलीही माहिती हाती आलेली नाही.

दिल्ली स्फोटाच्या पार्श्वभूमीवर एनआयए, एटीएस, दिल्ली पोलिस तपास करीत आहेत. ज्या व्हॅनमधून हा स्फोट झाला त्याचा नंबर मिळवून त्यासंदर्भातील डिटेल्स मिळवणं सुरु आहे. तसेच दिल्लीतल्या अनेक ठिकाणांवर छापेमारी सुरु झालेली आहे. शिवाय शहरात रेड अलर्ट देण्यात आलेला आहे.