Mumbai : नवी मुंबई हादरली! हॉटेल मॅनेजमेंट करणाऱ्या तरुणीने इमारतीच्या १०व्या मजल्यावरून उडी मारून आयुष्य संपवलं

Mumbai : तळोजा परिसरातील एका इमारतीच्या १०व्या मजल्यावरून उडी मारून अल्पवयीन मुलीने आत्महत्या केल्याची धक्कादायक घटना रविवारी दुपारी घडली आहे. या घटनेनंतर परिसरात भीती आणि दुःखाचे वातावरण निर्माण झाले आहे.

मिळालेल्या माहितीनुसार, मृत मुलगी पनवेलमधील हॉटेल मॅनेजमेंटचा कोर्स करत होती आणि ती आपल्या पालकांसोबत तळोजा येथील इमारतीत राहत होती. तिचे वडील एका खाजगी कंपनीत कार्यरत असून, आई सध्या साताऱ्यात आजारी आईची देखभाल करण्यासाठी गेली होती. त्या वेळी मुलगी घरात एकटीच होती.

Pune : दिवाळीनंतर ट्रॅफिक जॅमने सर्व रेकॉर्ड मोडले! ४० किमी अंतरासाठी ४ तासांचा प्रवास; महामार्गांवर वाहनांची लांबलचक रांग

रविवारी दुपारच्या सुमारास ती इमारतीच्या टेरेसवर गेली आणि काही क्षणांतच खाली पडल्याचे साक्षीदारांनी सांगितले.
स्थानिक नागरिकांनी त्वरित पोलिसांना माहिती दिली. पोलिसांनी घटनास्थळी पोहोचून पंचनामा केला आणि मृतदेह शवविच्छेदनासाठी पाठवला आहे.

दरम्यान, ही घटना आत्महत्या आहे की संशयास्पद मृत्यू, याचा तपास पोलीस करत आहेत.
मृत मुलीच्या कुटुंबीयांवर दुःखाचा डोंगर कोसळला असून, चौकशीदरम्यान तिच्या मोबाईल फोन आणि वैयक्तिक परिस्थितीचा सखोल तपास सुरू आहे.