Pune Shivneri Bus : दारु पिऊन शिवनेरी चालवत होता, प्रवाशांनी दारुड्या चालकाला रंगेहाथ पकडले अन् पुढे...

Pune Shivneri Bus : पुण्यातून एक खळबळजनक घटना समोर आली आहे. पुण्यात शिवनेरी बसचालक हा दारु पिऊन बस चालवत होता. बसमधील प्रवाशांनी दारु पिताना मद्यधुंद चालकाला रंगेहाथ पकडले. त्यानंतर प्रवाशांनी बस मध्येच रस्त्यात थांबवली आणि पोलिसांना संपर्क केला. पोलिसांनी तात्काळ बस चालकाला ताब्यात घेतले आहे.

मिळालेल्या माहितीनुसार, सदर घटना आज (११ जुलै) सायंकाळी ६ वाजता घडली आहे. स्वारगेटवरुन ठाणे येथे जाणाऱ्या शिवनेरी बसवरील बसचालक हा दारु पित होता. स्वारगेट येथे असताना प्रवाशांनी दारु पिताना त्याला पाहिले होते. पण तो काहीतरी वेगळं पित असल्याचे समजून प्रवाशांनी कोणतीही प्रतिक्रिया दिली नाही.

Malegaon : बनावट जन्म दाखला प्रकरणी चौथा गुन्हा दाखल; महापालिका प्रभाग अधिकाऱ्यांसह दोघांना अटक

थोड्याच वेळात शिवनेरी बस स्वारगेट बस स्थानकाकडून ठाण्याच्या दिशेने निघाली. तेव्हा बसचालकाने दारु पिण्यास सुरुवात केली. त्यानंतर नळ स्टॉप परिसरात चालकाचा दारु पिताना प्रवाशांनी रंगेहाथ पकडले. सर्व प्रवाशांनी बस नळ स्टॉप चौकार थांबवली, पोलिसांना बोलावण्यात आले. पोलिसांनी लगेचच बसच्या चालकाला ताब्यात घेतले.

शिवनेरीच्या मद्यधुंद चालकाला दारु पिताना प्रवाशांनी रंगेहाथ पकडले. स्वारगेटहून ठाण्याला जाणाऱ्या शिवनेरी बसचा चालक दारु पिऊन बस चालवत होता. ही बाब प्रवाशांच्या लक्षात आली. चालकाला रंगेहाथ पकडल्यानंतर प्रवाशांनी पोलिसांना बोलावले आणि बसचालकाला पोलिसांच्या हवाली केले. चालकावर कारवाई व्हावी असे प्रवाशांनी म्हटले आहे.