Vadodara Accident Case : भरधाव कारने महिलेला चिरडलेल्या तरुणाच्या रक्तात सापडले अंमली पदार्थांचे अंश, पण न्यायालय ग्राह्य धरणार का?

Vadodara Crash Accused Rakshit Chaurasia:  : वडोदरा येथे भरधाव वाहन चालवून तीन वाहनांना धडक देऊन एका महिलेच्या मृत्यूसाठी कारणीभूत ठरलेल्या रक्षित चौरसियाच्या रक्तात ड्रग्स सापडल्याची माहिती पोलिसांनी दि इंडियन एक्स्प्रेसला दिली आहे. नार्कोटिक्स रॅपिड टेस्ट किटमार्फत ही चाचणी करण्यात आली होती.

रक्षित चौरासियाचा पूर्वइतिहास

२३ वर्षीय रक्षित चौरसियाला मागच्या महिन्यातच पोलिसांनी उचलला होता, मात्र केवळी दिलगिरी व्यक्त केल्यानंतर त्याला सोडून देण्यात आले होते. सयाजीगंज पोलीस ठाण्यात रक्षित आणि त्यांच्या मित्रांच्या विरोधात एका वकिलाने तक्रार दाखल केली होती.

फतेहगंज परिसरात असलेल्या एका इमारतीमध्ये रक्षित आणि त्याचे मित्र गोंधळ घालत होते. त्यांच्या आवाजाचा त्रास होऊ लागल्यामुळे त्याच इमारतीमध्ये कार्यालय असलेल्या एका वकिलाने त्यांना शांत राहण्याचा सल्ला दिला. मात्र यानंतर संतापलेल्या रक्षित आणि त्याच्या मित्रांनी उलट वकिलावरच दमबाजी केली. वकिलाने पोलीस ठाण्यात तक्रार दाखल केल्यानंतर पोलिसांनी घटनास्थळी धाव घेऊन गोंधळ घालणाऱ्या तरूणांना ताब्यात घेतले.रक्षित चौरसिया हा एमएस विद्यापीठातील विधी शाखेचा विद्यार्थी आहे. आता त्याच्यावर सदोष मनुष्यवधाचा खटला दाखल करण्यात आला आहे.