Iraq-Syrian : अंकारातील हल्ल्याला तुर्कीचं प्रत्युत्तर; इराक-सीरियातील कुर्दिस्तान वर्कर्स पार्टीच्या ३० ठिकाणांवर केले हवाई हल्ले !

दहशतवाद्यांनी एरोस्पेस इंडस्ट्रीजच्या मुख्यालयावर केला होता हल्ला

दरम्यान, बुधवारी तुर्कस्तानची राजधानी अंकारामध्ये दोन दहशतवाद्यांनी तुर्की एरोस्पेस इंडस्ट्रीजच्या मुख्यालयावर हल्ला केला. या हल्ल्यात १० जणांचा मृत्यू तर १४ जण जखमी झाले. या ठिकाणी बॉम्बस्फोट तसेच गोळीबार करण्यात आला. या हल्ल्यानंतर सुरक्षा कर्मचाऱ्यांनी जखमींना तातडीने रुग्णालयात दाखल केलं. कोणत्याही संघटनेने या हल्ल्याची जबाबदारी स्वीकारलेली नसली, तरी हा हल्ला पीकेके या कुर्दिश बंडखोरांचा गटाने केल्याचा दावा तुर्की सरकारकडून करण्यात आला होता.

या हल्ल्यानंतर तुर्की सरकारमधील मंत्री अली येरलिकाया यांनी एक्स या समाज माध्यमावरही प्रतिक्रिया दिली होती. तुर्की एरोस्पेस इंडस्ट्रीजच्या मुख्यालयावर दहशतवादी हल्ला झाला आहे. दुर्दैवाने यात आपले काही जवान शहीद झाले आहेत. तर अनेक लोकं जखमी झाले आहेत, असे ते म्हणाले होते. तसेच अंकाराचे महापौर मन्सूर यावस यांनीही या हल्ल्यानंतर प्रतिक्रिया दिली होती. “आम्ही दहशतवादी हल्ल्याच निषेध करतो. या हल्ल्यात जे जवान शहीद झाले त्यांना श्रद्धांजली अर्पण करतो. तसेच जे जखमी आहेत. ते लवकरात लवकर बरे व्हावले यासाठी प्रार्थना करतो” असे ते म्हणाले होते.