Pune Crime : चॉकलेटचं देण्याचं आमिष, गळ्याला चाकू लावून नराधमाचं राक्षसी कृत्य; ७८ वर्षीय वृद्धाचा अल्पवयीन मुलीवर अत्याचार

Pune  : अवघ्या सात वर्षांच्या शाळकरी मुलीला गळ्याला चाकू लावून ७८ वर्षांच्या वृद्धाने तिच्यावर लैंगिक अत्याचार केले. या प्रकाराची वाच्यता आई-बाबांकडे करायची नाही, तसेच पोलिस घरी आल्यास जीव घेईन, अशी धमकी देत वृद्धाने हे कृत्य केले असून, त्याच्याविरोधात सहकारनगर पोलिस ठाण्यात गुन्हा दाखल करण्यात आला.या प्रकरणी पीडित मुलीच्या आजीने सहकारनगर पोलिस ठाण्यात तक्रार दिली आहे. त्यानुसार, मधुकर पिराजी थिटे (वय ७८, रा. धनकवडी) याच्याविरुद्ध लैंगिक अत्याचारापासून बालकांचे संरक्षण कायदा (पोक्सो), भारतीय न्याय संहिता व अॅट्रोसिटी कायद्यानुसार गुन्हे दाखल करण्यात आले आहेत.

ही घटना ६ सप्टेंबर रोजी घडली. ज्येष्ठ नागरिकाने सात वर्षांच्या मुलीला खाऊ देण्याचे आमिष दाखवून घरी नेले. त्यानंतर तिच्यावर अत्याचार केले. मुलीने आरडाओरडा केला असता, त्याने तिच्या गळ्याला चाकू लावला. या घटनेची वाच्यता केल्यास जिवे मारण्याची धमकी दिली. घाबरलेल्या मुलीने आजीला घडलेला प्रकार सांगितला. त्यानंतर आजीने पोलिसांकडे धाव घेतली, असे तक्रारीत नमूद आहे.

Pune : पुणे ते कोल्हापूर धावणार 'वंदे भारत ट्रेन'; आठवड्यातून ३ दिवस सुविधा, थांबे कोणते? वाचा वेळापत्रक

अत्याचाराची आणखी एक घटना

चॉकलेट घेण्यासाठी पैसे देण्याचे आमिष दाखवून अवघ्या आठ वर्षांच्या मुलीवर ७० वर्षांच्या वृद्धाने अत्याचार केल्याची आणखी एक घटना सहकारनगर पोलिस ठाण्याच्या हद्दीत घडली. या प्रकरणी संशयिताविरोधात गुन्हा दाखल करण्यात आला आहे. पीडितेच्या आईने याबाबत तक्रार दिली आहे. त्यानुसार, महावीर श्रीमलजी सिंगवी (वय ७०) याच्यावर गुन्हा दाखल करण्यात आला आहे.

पिंपरी-चिंचवड हादरलं

दरम्यान, पिंपरी-चिंचवड शहरात दिवसेंदिवस गुन्हेगारी डोके वर काढत आहे. त्यातच काळेवाडी परिसरातून एक मोठी बातमी समोर आली आहे. हॉटेलमध्ये बसलेल्या दोघांनी टेबलवर गोळीबार केल्याची घटना समोर आली आहे. या घटनेत एका माजी नगरसेवकाचा समावेश असून दोघांना पोलिसांकडून अटक देखील करण्यात आली आहे.

सचिन दत्तू नढे, विनोद जयवंत नढे अशी अटक केलेल्या माजी नगरसेवकांची नावे आहेत. गुरुवारी रात्री पावणे नऊच्या सुमारास ही घटना घडली आहे. याप्रकरणी वाकड पोलीस ठाण्यामध्ये तुषार लक्ष्मीचंद भोजवानी (वय २४, रा. पाचपिर चौक, पंचनाथ कॉलनी, काळेवाडी) यांनी फिर्याद दिली आहे.