Mumbai Rain Update : मुंबईत पावसाचे थैमान; पुढील ३-४ तास महत्वाचे, IMDकडून नागरिकांना सतर्क राहण्याचं आवाहन

मुंबई उपनगरात मुसळधार पाऊस सुरु आहे. मुंबईत सुरु असलेल्या मुसळधार पावसामुळे पावसाने ठिकठिकाणी पाणी साचलं आहे. मुसळधार पावसामुळे अंधेरी भागात पाणी साचलं आहे. पाणी साचल्याने अंधेरी सबवे वाहतुकीसाठी बंद करण्यात आला आहे.

गेल्या दोन तासांपासून मुंबईत ठिकठिकाणी मुसळधार पाऊस सुरु आहे. पुढील ३-४ तास मुंबई शहर आणि उपनगरात तसेच ठाणे आणि रायगडच्या काही भागात मुसळधार पावसाची शक्यता आहे, असा इशारा हवामान विभागाने दिला आहे.