Pune Airport : पुणे विमानतळावर सोने जप्त; सीमा शुल्क विभागाची कारवाई

Pune : पुणे विमानतळावरून मोठ्या प्रमाणात तस्करी केली जात असल्याचे मागील काही महिन्यात झालेल्या कारवाईवरून समोर येत आहे. यातच आता दुबईहून आलेल्या एका पॅकेटमध्ये सोने आढळून आले आहे. तब्बल सोने या कारवाईत सीमा शुल्क विभागाने जप्त केले आहे.

पुणे विमानतळावर दुबईहून आलेल्या एका प्रवाशाचे वर्तन अतिशय संशयास्पद दिसून आली. यामुळे त्याने विमानात काही लपवले आहे का? याबाबत विचारणा करण्यात आली. त्याच्या उत्तरांमुळे संशय आणखी वाढला असल्याने त्याच्या सीटसह विमानातील इतर काही जागा शोधण्यात आल्या. झडती दरम्यान विमानात तो बसलेल्या सीटखाली पाईपमध्ये सोन्याच्या पेस्टचे पाकीट लपवून ठेवलेले आढळून आले.

Powai : पवईमध्ये अतिक्रमण कारवाईदरम्यान दगडफेक, ५ पोलिस जखमी

७८ लाखाचे सोने जप्त 

पुणे सीमा शुल्क विभागाने केलेल्या या कारवाईत विमानाच्या सीटच्या पानिपत लपवलेले सोने काढल्यानंतर ७८ लाख १ हजार ४३ इतक्या किमतीचे १०८८.३० ग्रॅम वजनाचे २४ कॅरेट सोने मिळून आले. यानंतर सदर व्यक्तीला अटक करण्यात आली असून पुढील तपास सीमाशुल्क विभाग करत आहे.