Nitin Gadkari : गोपीनाथ मुंडेंच्या बालेकिल्ल्यात गडकरी म्हणाले, पंकजाकडे कर्तृत्व आणि नेतृत्व, जात-पात बघून मतदान करु नका!

Nitin Gadkari :  मराठवाड्यातील हायव्होल्टेज लढत असलेल्या बीड मतदारसंघातील प्रचाराच्या तोफा पुढील काही तासांतच संपणार आहेत. तत्पूर्वी पंतप्रधान नरेंद्र मोदींनी 7 मे रोजी बीड लोकसभा मतदारसंघातील अंबेजोगाई येथे जाहीर सभा घेऊन पंकजा मुंडेंना  निवडून देण्याचं आवाहन केलं. बीडमधील सभेत नरेंद्र मोदींनी दिवंगत गोपीनाथ मुंडेंची आठवण जागवली. त्यानंतर, आज पंकजा यांच्यासाठी केंद्रीयमंत्री नितीन गडकरी  यांनी बीडमध्ये जाहीर सभा घेतली. यावेळी, त्यांनीही गोपीनाथ मुंडेंच्या आठवणी जागवत पंकजा मला लेकीसारखी असल्याचं म्हटलं. गडकरींच्या या वाक्यावर उपस्थितांनी जल्लोष करुन दाद दिली. विकसित भारत, विकासकामे, काँग्रेसचा कार्यकाळ, मोदींचा कार्यकाळ यासह जातीय कारणावरही गडकरींनी बीडमध्ये भाष्य केलं.

Pune Rain : पुण्यात धो-धो पाऊस, नागरिकांची तारांबळ, 'मविआ'च्या सभा रद्द

नितीन गडकरींनी पंकजा मुंडेंच्या बालेकिल्ल्यात दिवंगत गोपीनाथ मुंडे आणि प्रमोद महाजन यांची आठवण काढली. पंकजा मला मुलीसारखी आहे. पंकजामध्ये कर्तृत्व आहे, केवळ मुंडे साहेबांची मुलगी म्हणून ती मोठी नाही तर तिच्यात काम करण्याची धमक आहे. तिच्यामध्ये वक्तृत्व आहे, कर्तृत्व हे, नेतृत्व आहे. आता तुम्हाला तुमच्यासाठी संघर्ष करणारी, वेळ पडल्यास स्वपक्षातही संघर्ष करणारी पंकजा आहे. पंकजा खासदार झाल्यास महाराष्ट्राच्या विकासात मोठं योगदान देऊ शकते. या जिल्ह्याचा, मतदारसंघाचा विकास करायचा असल्यास कमळाचं बटण दाबून पंकजाला निवडून द्या, असे आवाहन नितीन गडकरी यांनी बीडमधून केलं.