Pune Crime : मृत्यूशी झुंज अखेर अपयशी; बारामतीत झालेल्या गॅंगवारमधील युवकाचा मृत्यु

Pune Crime : बारामतीत झालेल्या गॅंगवारमधील युवकाचा मृत्यु झाला आहे. लाठ्या काठ्या आणि गजाने या युवकाला अमानुष मारहाण केली होती. या मारहाणीचे सीसीटीव्ही फुटेज देखील समोर आले  होते. या युवकाची मृत्यूशी झुंज अखेर अपयशी ठरली आहे. अनिकेत धोत्रे असं या पीडित तरूणाचं नाव आहे. आपण या घटनेबद्दल सविस्तर पाहू या.

बारामती शहरातील मुख्य चौकात चायनीज गाड्यावर आलेल्या अनिकेत धोत्रे या युवकाला सहा जणांनी बेदम मारहाण केली होती. त्यांनी त्याला लाठ्या काठ्या आणि गजाने अमानुष मारहाण केली होती. या मारहाणीमध्ये अनिकेत गंभीररीत्या जखमी झाला आणि बेशुद्ध पडला होता. या घटनेमुळे परिसरात दहशतीचं वातावरण निर्माण झालं होतं.

Pune : होळीपौर्णिमेनिमित्त दगडूशेठ गणपती मंदिरात २ हजार किलो द्राक्षांची आरास

बेशुद्धावस्थेत अनिकेतला रूग्णालयामध्ये दाखल करण्यात आलं होतं. मारहाणी गंभीर जखमी झालेल्या या युवकावर खाजगी हॉस्पिटलमध्ये उपचार सुरू होते. उपचारादरम्यान अनिकेतचा आज पहाटे मृत्यु  झालाय. शहर पोलिसांनी या संदर्भात गुन्हा दाखल केलाय. पूर्व वैमन्यासातून ही घटना घडली असल्याची माहिती पोलिसांनी दिली आहे.

अनिकेत धोत्रे असं मृत तरुणाचं नाव आहे. पूर्व वैमान्यासातून ही घटना घडल्याची माहिती समोर येत आहे. पोलिसांनी या प्रकरणात पाच आरोपींविरोधात गुन्हा दाखल केलाय. या घटनेबाबत अधिक तपास सुरू आहे, अशी माहिती पोलिसांकडून देण्यात आलीय. या घटनेची सीसीटीव्ही फुटेज देखील समोर आली आहे.

बारामती शहरातील मुख्य चौकात एका टोळक्याने अनिकेत धोत्रे नावाच्या तरुणावर अचानकपणे हल्ला केला होता. अनिकेतला लाठ्या, काठ्या आणि गजाने बेदम मारहाण केली होती. या घटनेत अनिकेत गंभीर जखमी झाला होता. या प्रकरणात आरोपींविरोधात गुन्हा दाखल करण्यात आलाय. या घटनेबाबत अधिक तपास पोलीस करत आहे. या घटनेशी संबंधित एक व्हिडिओ समोर आला आहे.

पुणे शहरातील गुन्हेगारी संपविण्यासाठी पुणे पोलीस प्रयत्न करत आहे. तरी देखील दिवसेंदिवस अशा घटनांचं प्रमाण वाढताना दिसत आहे. आता लोकसभा निवडणूकीच्या तोंडावर शहरातील १२ गुंडाना तडीपार करण्याचा निर्णय पोलीस आयुक्तालयाने घेतला आहे.