Pune Accident : पुण्यात भरधाव टँकरने तरुणाला उडवलं; अपघाताचा थरार CCTV कॅमेऱ्यात कैद

Pune Accident : पुणे शहरातून भीषण अपघाताची घटना समोर आली आहे. भरधाव वेगात असलेल्या टँकरने दुचाकीस्वारासह रस्त्यावरून पायी चालणाऱ्या तरुणांना जोरदार धडक दिली. या घटनेत दुचाकीस्वार तरुणाचा जागीच मृत्यू झाला. याशिवाय दोन ते तीन जण जखमी झाले. ही दुर्देवी घटना शुक्रवारी (ता. १५) पहाटेच्या सुमारास घडली. 

काळजाचा ठोका चुकवणाऱ्या या घटनेचं सीसीटीव्ही फुटेज समोर आलं आहे. राजेंद्र तुकाराम बोंडे असे मृत तरुणाचं नाव आहे. याप्रकरणी पोलिसांनी टँकरचालकाविरोधात गुन्हा दाखल केला आहे. पुणे शहरातील वाघोली परिसरात हा अपघात घडला आहे.

Maharashtra Politics : 'माझा हातोडा पुण्यात चालणारच', लोकसभा निवडणूक लढण्यावर वसंत मोरे ठाम

मिळालेल्या माहितीनुसार, मृत राजेंद्र बोंडे हा आपल्या मित्रासोबत दुचाकीवरून जात होता. वाघोली परिसरात त्याने एका पाण्याच्या टँकरला विरुद्ध दिशेने ओव्हरटेक करण्याचा प्रयत्न केला. त्याचवेळी टँकरचालकाचे गाडीवरील नियंत्रण सुटले. 

काही क्षणातच टँकरने दुचाकीसह रस्त्यावरील पादचाऱ्यांना धडक दिली. अपघात इतका भीषण होता, की राजेंद्र हा थेट टँकरच्या समोरच्या टायरखाली आला. चाक अंगावरून गेल्याने त्याचा घटनास्थळीच मृत्यू झाला.

अपघातात इतर दोन ते तीन जण जखमी झाले. अपघातानंतर परिसरात मोठी वाहतूक कोंडी झाली होती. पोलिसांनी तातडीने घटनास्थळी धाव घेत वाहतूक सुरळीत केली. अपघातातील जखमींना उपचारासाठी रुग्णालयात दाखल करण्यात आलं आहे. या घटनेनं परिसरातून हळहळ व्यक्त होत आहे.