Russia -Ukraine War : रशियात अडकले २० भारतीय; परदेशात नोकरी देतो म्हणून थेट उतरवलं रशिया-युक्रेनेच्या युद्धात

रशियात अडकलेल्या २० लोकांना चांगल्या पगाराचे आणि सोयीसुविधांचे आमिष दाखवून रशियात नेण्यात आले. तेथे काही काळ प्रशिक्षण घेतल्यानंतर त्यांना थेट युद्धाच्या ठिकाणी तैनात करण्यात आले. ही बातमी जेव्हा समोर आली तेव्हा त्यांच्या कुटुंबीयांनीही त्यांना वाचवून घरी आणण्याचे आवाहन भारत सरकारकडे केले आहे. भारतीय रशियन सैन्यात सामील झाले आहेत.

या लोकांना तेथून हाकलून देण्यात आले आहे अस परराष्ट्र मंत्रालयाने २६ फेब्रुवारी रोजी सांगितलं होतं. दरम्यान या लोकांना भारतात परत आणण्याची तयारी सुरू आहे. तसेच भारतीयांना जबरदस्तीने तिथे ठेवू नये आणि त्यांना मायदेशी पाठवले जावे, असा मुद्दाही रशियन लष्कर आणि सरकारसमोर मांडण्यात आल्याचं भारत सरकारच्या परराष्ट्र मंत्रालयाकडून सांगण्यात आले आहे.