Maharashtra Politics : ब्रेकिंग! मनसे नेते वसंत मोरे शरद पवारांच्या भेटीला

Maharashtra Politics : राज्याच्या राजकारणात सध्या लोकसभा निवडणुकांचे वारे वाहू लागले आहेत. आगामी लोकसभा निवडणुकांच्या दृष्टीने सर्वच पक्षांनी जोरदार मोर्चेबांधणी सुरू केली आहे. अशातच महाराष्ट्र नवनिर्माण सेनेचे नेते वसंत मोरे हे शरद पवार यांच्या भेटीला गेल्याने राजकीय वर्तुळात चर्चा रंगल्या आहेत. आज (मंगळवार, २७ फेब्रुवारी) शरद पवार पुणे दौऱ्यावर असताना वसंत मोरे हे त्यांच्या भेटीला गेले आहेत.

आगामी लोकसभा निवडणुकांच्या दृष्टीने राष्ट्रवादी काँग्रेस पक्ष शरदचंद्र पवार  गटाने मोर्चेबांधणी सुरू केली आहे. आज शरद पवार बारामती लोकसभा मतदारसंघात येणाऱ्या सहा विधानसभा मतदारसंघातील पदाधिकाऱ्यांची बैठक घेणार आहेत.  पुण्यातील निसर्ग मंगल कार्यालयात शरद पवार यांच्या बैठका सुरू आहेत.

Yuvak Congress Pune : पंतप्रधान नरेंद्र मोदी यांचा पुतळा जाळल्याने पुण्यातील युवकांवर गुन्हा दाखल

अशातच मनसे नेते वसंत मोरे  हे त्यांच्या भेटीला कार्यालयामध्ये दाखल झालेत. वसंत मोरे आणि शरद पवार यांच्या भेटीने राजकीय वर्तुळात उलट- सुलट चर्चा रंगू लागल्या आहेत. या पूर्वी वसंत मोरे यांनी बारामती लोकसभा मतदारसंघातील निवडणूक लढवल्या आहेत. त्यामुळे आगामी काळात बारामती लोकसभेसाठी शरद पवार वसंत मोरेंची मदत घेणार का? हे पाहणे महत्वाचे ठरणार आहे.

दरम्यान, अजित पवारांकडून राष्ट्रवादीच्या गावपातळीवरील कार्यकर्त्यांना स्वतःकड वळवून घेण्याचे प्रयत्न होत असल्याने शरद पवारांना सुप्रिया सुळेंसाठी निवडणुकीत लागणारी यंत्रणा उभी करावी लागणार आहे. त्यासाठी शरद पवार यांनी बारामती लोकसभा मतदार संघात लक्ष घातले आहे. त्यानंतर आज सायंकाळी पाच वाजता ते पत्रकारांशी संवाद साधणार आहेत.