Nanded Accident News : नांदेडमध्ये भीषण अपघात; कार - दुचाकीच्या धडकेत दोन तरूणांचा मृत्यू

Nanded Accident News : राज्यात अलीकडे अपघातांचं प्रमाण वाढल्याचं चित्र आहे. राज्यातील विविध जिल्ह्यांमध्ये दररोज अपघातांच्या घटना घडत आहेत. भरधाव वेगात वाहनं चालविल्यानं या घटना मोठ्या प्रमाणात घडत आहे. बुधवारी रात्री नांदेडमधून असाच एक भीषण अपघात समोर आलाय. 

दुचाकीला पाठीमागून येणाऱ्या भरधाव कारने जोरदार धडक दिली. या घटनेत स्कूटीवरून जाणाऱ्या दोन तरूणांचा मृत्यू झालाय. हा अपघात रात्री साडे अकराच्या दरम्यान अर्धापूर- नांदेड राष्ट्रीय महामार्गावरील श्रीसंत किसन बापू आश्रमाजवळ घडला आहे. या अपघातात नांदेड शहरातील किशन मोरे आणि हरिश गट्टाणी या तरुणांचा मृत्यू झालाय.