Pune Crime News : धक्कादायक! येरवडा कारागृहातून कुख्यात गुंडाने ठोकली धूम; पुणे पोलिस दलात खळबळ

सोमवारी दुपारच्या सुमारास अधिकाऱ्यांनी जेव्हा तुरुंगातील कैद्यांची मोजणी केली, तेव्हा हा प्रकार उघडकीस आला. अधिकाऱ्यांना आरोपी आशिष जाधव कुठेही दिसून आला नाही. शोधाशोध घेत तुरुंगातील इतर कैद्यांना आरोपीबाबत विचारलं असता, आम्हाला तो कुठे गेला याबद्दल काहीच माहिती नाही, असं कैद्यांनी पोलिसांना सांगितलं.

येरवडा तुरुंगात कडक पहारा असताना देखील आरोपी पळून कसा गेला? असा प्रश्न पोलिसांना पडला आहे. या घटनेमुळे पोलीस दलात मोठी खळबळ उडाली असून आरोपीच्या शोधात पोलिसांनी वेगवेगळी पथके रवाना केली आहेत.