Maratha Reservation : उपमुख्यमंत्री देवेंद्र फडणवीस आज संभाजीनगरच्या दौऱ्यावर; मनोज जरांगेंची भेट घेणार का?

छत्रपती संभाजीनगर : मराठा आरक्षणासाठी  उपोषण करणारे मनोज जरांगे यांच्यावर छत्रपती संभाजीनगरच्या  एका खाजगी रुग्णालयात उपचार सुरू आहेत. दरम्यान, राज्याचे  उपमुख्यमंत्री देवेंद्र फडणवीस देखील आज छत्रपती संभाजीनगरच्या दौऱ्यावर आहेत. त्यामुळे जरांगे यांची फडणवीस आज भेट घेणार का? हे पाहणं महत्त्वाचं ठरणार आहे. त्यामुळे फडणवीस यांचा आजचा संभाजीनगरचा दौरा महत्वाचा समजला जात आहे.

जरांगे यांचे उपोषण सुरू असताना आंतरवाली सराटीत  मुख्यमंत्री एकनाथ शिंदे यांच्यासह अनेक मंत्र्यांनी भेट दिली होती. परंतु, पहिल्या आणि दुसऱ्या टप्प्यात झालेल्या उपोषणास्थळी फडणवीस एकदाही गेले नाही. याचवेळी जरांगे यांनी फडणवीस यांच्यावर थेट टीकाही केली होती. यावरून भाजप नेत्यांनी देखील जरांगे यांना प्रतिउत्तर दिले होते. आता ज्या छत्रपती संभाजीनगर शहरात जरांगे यांच्यावर उपचार सुरू आहे, त्याच संभाजीनगरमध्ये आज फडणवीस येणार आहे. त्यामुळे आज तरी जरांगे आणि फडणवीस यांची भेट होईल का? याकडे सर्वांचं लक्ष लागलं आहे

Chhatrapati Shivaji Maharaj : काश्मीर खोऱ्यामध्ये दुमदुमला छत्रपतींचा जयघोष, मुख्यमंत्र्यांनी केलं छ. शिवाजी महाराजांच्या पुतळ्याचे अनावरण

बागेश्वर बाबांच्या कार्यक्रमाला येणार फडणवीस 

छत्रपती संभाजीनगरच्या आयोध्या नगरी मैदानावर बागेश्वर धाम यांचे तीन दिवसीय कार्यक्रम होत आहे. आज बागेश्वर बाबांच्या दरबाराचा समारोप होणार आहे. त्यामुळे, याच कार्यक्रमासाठी  देवेंद्र फडणवीस येत आहे. यावेळी फडणवीस यांच्या हस्ते आरती केली जाणार आहे. सोबतच यावेळी फडणवीस यांचे भाषण देखील होण्याची शक्यता आहे. विशेष म्हणजे फडणवीस छत्रपती संभाजीनगर शहरात येणार असल्याची भाजपकडून वेगवेगळ्या वृत्तपत्रात मोठी जाहिरात देखील देण्यात आली आहे.