INS Vikrant : विमानवाहू युद्धनौकेवर १९ वर्षीय जवान आढळला मृतावस्थेत; आत्महत्येचा संशय

INS Vikrant : भारताची विमानवाहू युद्धनौका INS Vikrant वर भारतीय नौदलाचा एक १९ वर्षीय सेलर मृतावस्थेत आढळल्यानं खळबळ उडाली आहे. गुरुवारी सकाळी ही घटना उघडकीस आली. नौदलाच्या माहितीनुसार, हा आत्महत्येचा प्रकार असावा असा अंदाज व्यक्त करण्यात आला आहे. 

प्राथमिक माहितीनुसार, १९ वर्षीय सेलरच्या मृत्यू प्रकरणी चौकशीचे आदेश देण्यात आले आहेत. नौदलाच्या निवेदनानुसार, याप्रकरणी स्थानिक पोलिसांत तक्रार दाखल करण्यात आली आहे. पीटीआय या वृत्तसंस्थेच्या माहितीनुसार, मृत्यू झालेला सेलर हा अविवाहित असून तो बिहारच्या मुझ्झफरपूर येथील रहिवासी होता. 

दरम्यान, एप्रिल महिन्यात क्षेपणास्त्र वाहून नेणाऱ्या फ्रिगेड क्लास INS ब्रह्मपुत्रावर समुद्रातील एका मोहिमेदरम्यान मोहित (वय २३) नावाच्या एका सेलरचा मृत्यू झाला होता. ८ एप्रिल रोजी एका अपघातामध्ये गंभीर जखमी होऊन नंतर उपचारांदरम्यान त्याचा मृत्यू झाला होता. 

Pune News : बांगलादेशी घुसखोरांवर कारवाई करावी; भाजपच्यावतीने पोलिस आयुक्तांना निवेदन

युद्धनौकांवर अशा प्रकारे मृत्यू झाल्यानंतर त्याची न्यायालयीन चौकशी केली जाते. तसेच या अपघातांची जबाबदारी निश्चित केली जाते. अशा घटनांची माहिती जाहीर करण्यापूर्वी ती मृत जवानांच्या नातेवाईकांना कळवली जाते. कारण अशा घटना या खूपच संवेदनशील असतात.