Bhiwandi Accident : मुंबई-नाशिक महामार्गावर भीषण अपघात, भरधाव ट्रेलरने काळी पिवळीला उडवलं; ६ जणांचा जागीच मृत्यू

Mumbai Nashik Highway Accident : ठाणे जिल्ह्यातून भीषण अपघाताची घटना समोर आली आहे. मुंबई-नाशिक महामार्गावरील ट्रक आणि काळी पिवळीचा भीषण अपघात झाला. खडवली फाट्याजवळ रस्ता क्रॉस करत असताना भरधाव वेगात येणाऱ्या ट्रेलरने काळी पिवळीला जोरदार धडक दिली.

ही धडक इतकी भीषण होती की यामध्ये ६ जणांचा जागीच मृत्यू झाला. तर ६ जण जखमी झाले. थरकाप उडवणारी ही घटना मंगळवारी सकाळी ८ वाजेच्या सुमारास घडली. अपघातानंतर स्थानिकांसह पोलिसांनी घटनास्थळी धाव घेतली.

जखमींना तातडीने उपचारासाठी पडघा येथील ग्रामीण रूग्णालयात पाठवण्यात आले असून जखमींना खाजगी रूग्णालयात उपचारासाठी दाखल करण्यात आले आहे. मिळालेल्या माहितीनुसार, मुंबई-नाशिक महामार्गावरील खडवली फाट्याजवळ काळी पिवळी जीप प्रवाशांना घेऊन निघाली होती.

सकाळी ८ वाजेच्या सुमारास काळी पिवळी रस्ता क्रॉस करत असताना महामार्गावर भरधाव वेगात येणाऱ्या ट्रेलरने जोरदार धडक दिली. ही धडक इतकी भीषण होती की, काळी पिवळी जीप सुमारे ६० फूट दूर फेकली गेली.

या अपघातात ४ प्रवाशांचा जागीच मृत्यू तर २ प्रवाशांचा रुग्णालयात उपचार सुरू असताना मृत्यू झाला. तर ६ प्रवाशी गंभीर जखमी झाले आहेत. अपघातानंतर पोलिसांनी तातडीने घटनास्थळी धाव घेत जखमींना रुग्णालयात उपचारासाठी दाखल केले. दरम्यान, या अपघाताचा पुढील तपास पडघा पोलिस करत आहे.

Gosikhurd Dam : सावधान ! 'गोसीखुर्द'चे सर्व 33 दरवाजे उघडले, चंद्रपूरसह गडचिरोलीला बसणार बँक वाॅटरचा फटका

महामार्गावरील खडवली फाट्याजवळ अपघाताची महिनाभरातील ही दुसरी घटना असून यापूर्वी एका ट्रेलरने आईस्क्रीमच्या गाडीला धडक दिल्याने एकाचा मृत्यू झाला होता. आज सकाळी पुन्हा याच ठिकाणी ट्रेलरने काळी पिवळी जीपला जोरदार धडक दिली.

मुंबई-पुणे महामार्गावर बोर घाटात भीषण अपघात

मुंबई-पुणे महामार्गावरील बोरघाटात सोमवारी रात्रीच्या सुमारास टेम्पो आणि कारचा भीषण अपघात झाला. या अपगातात कारमधील ९ जण आणि टेम्पोचालक जखमी झाला आहे. जखमींपैकी दोन महिलांची प्रकृती चिंताजनक आहे. सर्व जखमींना खोपोली नगरपालिका रुग्णालयात उपचारासाठी दाखल करण्यात आलं आहे.