Mumbai Crime : मुंबई हादरली! ७ वर्षीय अल्पवयीन मुलीवर शेजाऱ्याकडून अत्याचार; संतापजनक कृत्याने परिसरात खळबळ

Mumbai : मुंबईतून एक धक्कादायक घटना समोर आली आहे. मुंबईत अंधेरी पूर्व परिसरात एका ७ वर्षांच्या अल्पवयीन मुलीवर अत्याचार झाल्याची धक्कादायक घटना घडली आहे. या घटनेने परिसरात एकच खळबळ उडाली आहे. पोलिसांनी या प्रकरणी एकाला अटक केली आहे.

मिळालेल्या माहितीनुसार, मुंबईच्या अंधेरी गुंदवलीत राहणाऱ्या एका सात वर्षाच्या अल्पवयीन मुलीवर शेजारी राहणाऱ्या 30 वर्षीय नराधमाने अत्याचार केल्याची धक्कादायक घटना घडली. मुंबईच्या अंधेरी पूर्व परिसरातून ही धक्कादायक घटना उघडकीस आली आहे.

मुलीच्या पालकांनी काल संध्याकाळी अंधेरी पोलीस ठाण्यात तक्रार दिल्यानंतर अंधेरी पोलिसांनी त्या नराधम तरुणाला अटक केली आहे. 

या प्रकरणी पोलिसांनी आरोपी ३० वर्षीय नितीनला अटक केली आहे. या प्रकरणी पोलिसांनी त्यांच्यावर पोस्को कायद्याअंतर्गत गुन्हा दाखल केला आहे.या घटनेमुळे परिसरात राहणाऱ्या नागरिकांकडून संताप व्यक्त केला जात आहे.

मुंबईच्या अंधेरी पूर्व भागातील गुंदवलीत राहणाऱ्या सात वर्षाच्या अल्पवयीन मुलीवर तिच्या शेजारी राहणाऱ्या 30 वर्षीय नराधमाने अत्याचार केल्याचा धक्कादायक प्रकार केला. त्यानंतर या आरोपीने पळ काढला.

या पीडित मुलीने हा सारा प्रकार पालकांना सांगितला. त्यानंतर मुलीच्या पालकांनी काल संध्याकाळी अंधेरी पोलीस ठाण्यात तक्रार दिली. त्यानंतर अंधेरी पोलिसांनी आरोपीचा तपास करत त्याला अटक केली. या घटनेमुळे परिसरात एकच खळबळ उडाली आहे. या प्रकरणानंतर स्थानिक नागरिकांकडून संताप व्यक्त केला जात आहे.