पं. विजयशंकर मेहता यांचा कॉलम:जीवनातील प्रत्येक कर्म योग आणि यज्ञासारखे मानणे आवश्यक

आजकाल व्यवस्थापनाच्या भाषेत असे म्हटले जाते की, जे काही काम कराल, त्यात युद्धासारखी उडी घ्या. जिंकायचेच आहे, अशी जिद्द बाळगा. महाभारतात भीष्मांनी दुर्योधनाला सांगितले होते की, ‘तू रोज यासाठी हरतोस कारण तू युद्ध करत आहेस आणि पांडव यज्ञ करत आहेत.’ जर आपण ऋषी-मुनींचे ऐकले, तर ते सांगतात की जीवनातील प्रत्येक कर्म यज्ञासारखे माना. त्याला योगाशी जोडावे लागेल. अशी एक कथा आहे की, गोरखनाथांनी नेपाळच्या राजाकडे दूध मागितले. दूध पिताच ते राजाच्या हातावर थुंकले. राजाने हात मागे घेतल्यावर ते दूध त्याच्या पायावर पडले. गोरखनाथ म्हणाले की, ‘हे राजा, तू ते दूध हातावर घेतले असतेस, तर तू योगींप्रमाणे इंद्रियांचा स्वामी झाला असतास. पण तू ते पायावर घेतल्याने तू भूस्वामी झालास.’ त्यामुळे राजांनी योग आणि योगी लोकांशी जोडलेले राहायला हवे. आणि आज यशाच्या शोधात निघालेला प्रत्येक माणूस राजाच आहे. म्हणूनच योग व यज्ञासाठी वेळ नक्की काढा. मग तुम्ही कोणत्याही भौतिक प्रवासात असाल, परिस्थिती तुम्हाला मदतच करेल.