पं. विजयशंकर मेहता यांचा कॉलम:बाह्य जगामध्ये गतिमान राहून‎ देखील शांत राहण्याचा प्रयोग‎

शरीर कोमल असेल, तर ते फुलांच्या स्पर्शानेही जखमी होईल. पण मन‎कणखर असल्यास मोठे खडकही फुटून जातील. आता खऱ्या अर्थाने‎मनावर काम करण्याची वेळ आली आहे. आज प्रत्येक जण विविध‎कारणांनी त्रस्त आहे. मनासाठी काम करायलाही लोकांकडे वेळ नाही.‎तंत्रज्ञानामुळे वेळ वाचत आहे, तरीही माणसाला स्वतःसाठी वेळ‎काढता येत नाही. आपल्या संस्कृतीत एक शब्द आणि एक प्रतीक‎मनाच्या शांतीसाठी उपयुक्त मानले गेले. या दोन्हीचा वापर भारतीय‎संस्कृतीनेच केला. एकांतात ‘ओम'' या शब्दाचा उच्चार करावा आणि‎दोन्ही भुवयांमध्ये आज्ञाचक्रावर ‘स्वस्तिक'' या चिन्हाचे ध्यान करावे. हे‎शब्द व प्रतीक ऋग्वेदामध्ये व्यक्त झाले. हे दोन्ही योग व क्षेमाची सुंदर‎जोडी आहेत. आधी पाठीचा कणा सरळ ठेवा. डोळे बंद करा. दोन्ही‎भुवयांच्या मध्ये आज्ञाचक्राकडे पाहा. ‘ओम''चा उच्चार करा. त्या‎ओमला स्वस्तिकच्या चिन्हावर घड्याळाच्या काट्यांच्या दिशेने फिरवा.‎यातून तुम्ही बाहेरच्या जगात पूर्ण वेगाने काम करत राहाल. पण आत‎मात्र शांती उतरेल.