Feng Shui : या पाच चुका पडू शकतात खूप महागात, पती-पत्नीमध्ये सतत होत राहतील भांडणं

फेंग शुई हे देखील वास्तुशास्त्राप्रमाणेच नकारात्मक आणि सकारात्मक ऊर्जा या दोन प्रमुख घटकांवर काम करतं. जेव्हा घरात सकारात्मक ऊर्जा असते, तेव्हा घरातील वातावरण हे नेहमी आनंदी असतं, घरात सुख समृद्धी असते. आर्थिक स्थैर्य असतं. मात्र या उलट जेव्हा घरात नकारात्मक ऊर्जा निर्माण होते, तेव्हा मात्र घरावर अचानक संकट येण्यास सुरुवात होते, आर्थिक संकट येतात, आरोग्याच्या बाबतीत संकट येतात, तसेच अनेकदा काही कारण नसताना देखील पती -पत्नीमध्ये भांडणं होतात. पती-पत्नी संसाराचे दोन मुख्य स्तंभ असतात, या दोन स्तंभांवरच संसाराचा संपूर्ण डोलारा उभा असतो, यातील एक स्तंभ जरी हालला तरी हा संसाराचा संपूर्ण डोलारा कोसळून शकतो. त्यामुळे पती-पत्नीने एकमेकांना सांभाळून घेतलं पाहिजे. मात्र अशा काही चुका असतात ज्या झाल्यास त्यामुळे पती-पत्नीमध्ये वाद होऊ शकतात, असं फेंग शुईमध्ये सांगण्यात आलं आहे, चला तर मग जाणून घेऊयात फेंग शुईमध्ये नेमकं काय सांगितलं आहे? त्याबद्दल.

बेडरूम नेहमी स्वच्छ ठेवा – बेडरूममध्ये कधीही अनावश्यक पसारा होऊ देऊ नका, जर बेडरूम अस्तव्यस्त असेल तर त्याचा परिणाम हा पती-पत्नीच्या नात्यावर देखील होतो, घरात नकारात्मक ऊर्जा निर्माण होते, ज्यामुळे पत्नी-पत्नीमध्ये सारखे भांडणं होतात असं वास्तुशास्त्रामध्ये सांगितलं आहे.

बेडची दिशा – बेडची दिशा ही नेहमी योग्य असावी, बेड हा शक्यतो पूर्व -पश्चिम असावा, तो दक्षिण -उत्तर असा नसावा, तसेच कधीही दक्षिण दिशेला पाय करून झोपू नये, असंही फेंगशुईमध्ये सांगण्यात आलं आहे.

निगेटिव्ह फोटो- जर तुमच्या बेडरूममध्ये एखादा निगेटिव्ह फोटो असेल तर तो बेडरूममधून काढून टाका, त्यामुळे घरात निगेटिव्ह ऊर्जा तयार होऊ शकते.

काळे पडदे – बेडरूमच्या खिडक्यांना कधीही काळे पडदे असू नये, असं फेंग शुई शास्त्रामध्ये सांगण्यात आलं आहे. काळ्या रंगामुळे घरात नकारात्मक ऊर्जा निर्माण होते, त्याचा परिणाम नातेसंबंधांवर होतो, असं मानलं जातं.

पाणी – बेडरूममध्ये अशी कोणतीही गोष्ट ठेवू नका, ज्याचा संबंध थेट पाण्याशी असेल, जसं की फाउंटन, किंवा इतर वस्तू असं फेंगशुईमध्ये सांगण्यात आलं आहे.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)