राज्यसभेवरून शिवसेनेत रस्सीखेच, ४ दिग्गज नेत्यांची नावं चर्चेत; एकनाथ शिंदेंची पसंती कुणाला?

संजय गडदे, साम टीव्ही

महाराष्ट्र विधानसभेतून शिवसेना पक्षाच्या वतीने राज्यसभेवर उमेदवारी मिळावी, अशी विनंती करण्यासाठी शिवसेना (शिंदे गट) चे ज्येष्ठ व निष्ठावंत नेते, माजी खासदार गजानन कीर्तीकर हे येत्या दोन दिवसांत उपमुख्यमंत्री एकनाथ शिंदे यांची भेट घेणार असल्याची माहिती सूत्रांनी साम टीव्हीला दिली आहे. पक्षातील प्रदीर्घ अनुभव आणि वैधानिक तसेच संघटनात्मक कामाचा ठसा लक्षात घेता राज्यसभेसाठी आपली निवड व्हावी, अशी त्यांची अपेक्षा आहे.