पुणेकरांना वाहतूक कोंडीपासून मोठा दिलासा! महापालिकेच्या पाच महत्त्वाच्या उड्डाणपुलांची कामे पूर्णत्वास, नवीन वर्षात होणार सुरू

पुणे: तुम्ही नोकरदार, विद्यार्थी, अधिकारी असाल किंवा व्यापारी-उद्योजक... शहराच्या कोणत्याही भागातून प्रवास करता तेव्हा, तुम्हाला प्रचंड वाहतूक कोंडीचा सामना करावा लागतच. पुणेकरांना याच वाहतूक कोंडीच्या फेऱ्यातून बाहेर काढण्यासाठी महापालिकेने दोन-तीन वर्षांपूर्वी विविध भागांत उड्डाणपूल, लोहमार्ग, नदीवरील पूल, कनेक्‍टिव्हिटी लिंक रॅम्प तयार करण्याचे काम हाती घेतले होते. आता पाच ठिकाणांवरील कामे पूर्णत्वास आली आहेत. नवीन वर्षात हे पूल खुले होऊन पुणेकरांची वाहतूक कोंडीतून सुटका होणार आहे.

शहरातील वाढत्या वाहनांच्या संख्येमुळे आणि रस्त्यावरील अपुऱ्या जागेमुळे नागरिकांना दररोजच्या प्रवासात अनेक अडचणींचा सामना करावा लागतो. विशेषतः गर्दीच्या वेळी मुख्य चौकांमध्ये आणि रस्त्यांवर वाहनांच्या लांबच लांब रांगा लागतात. या समस्येवर शाश्वत उपाय शोधण्यासाठी पुणे महानगरपालिकेने शहराच्या वेगवेगळ्या भागांत पायाभूत सुविधांचे प्रकल्प हाती घेतले आहेत. या प्रकल्पांमुळे केवळ वेळेची बचत होणार नाही, तर इंधनाची व होणाऱ्या मानसिक त्रासाचीही बचत होणार आहे. महापालिकेच्या या महत्त्वाकांक्षी प्रकल्पामुळे आगामी काळात शहरातील वाहतूक अधिक सुरळीत आणि वेगवान होण्यास मोठी मदत मिळणार आहे.