Pune : पुण्यात वाहतूक कोंडीचा कहर; ४ किमीपर्यंत वाहनांच्या रांगा, बसची मेट्रोच्या खांबाला धडक, शिवाजीनगरकडे जाणारा रस्ता बंद

Pune : पुण्यात आधीच मोठ्या प्रमाणात वाहतूक कोंडीची समस्या भेडसावत आहे. त्यातच सोमवारी ऑफिस, कॉलेजला निघालेल्या पुणेकरांना मोठ्या वाहतूक कोंडीचा सामना करावा लागलाय. स्क्वेअर चित्रपटगृहाजवळ वाहनांच्या लांबच लांब रांगा लागल्या आहेत. पहाटे घडलेला अपघात याला कारण ठरलेय. होय, पहाटे लग्जरी बस आणि ट्रकचा भीषण अपघात झाला. त्यामुळे वाहतूक पोलिसांकून शिवाजीनगरकडे जाणारा रस्ता बंद ठेवला. याचा परिणाम वाहतूक कोंडीवर झालाय. जवळपास ४ किमीच्या रांगा लागल्या आहेत.

पुण्यातील ई स्क्वेअर चित्रपटगृहाजवळ आज सकाळी लग्जरी बस आणि ट्रकचा भीषण अपघात झाला. त्यामुळे शिवाजीनगरकडे जाणारा रस्ता पोलिसांनी वाहतुकीसाठी बंद केला आहे. पुण्याच्या दिशेने जाणापी खासगी बस थेट मेट्रोच्या खांबावर धडकली आणि पाठीमागून येणाऱ्या ट्रकने तिला धडक दिली. त्यामुळे मोठं नुकसान याठिकाणी झाल्याचं पाहायला मिळत आहे.त्यामुळे शिवाजीनगरच्या दिशेने जाणारा रस्ता वाहतुकीसाठी बंद ठेवण्यात आला आहे. त्यामुळे पुण्यातील या रस्त्यावर एकच लेन खुली आहे तसेच दुसऱ्या बाजूला, औंध बाणेर दिशेने जाणाऱ्या रस्त्यावर सुद्धा ३ ते ४ किलोमीटर वाहनांच्या रांगा लागल्या आहेत.

Pune : वर्गातच मित्राचा गळा चिरला; विद्यार्थ्याचा मृत्यू, पुण्यातील क्लासेसमध्ये रक्तरंजित थरार

पुण्यातील ई-स्क्वेअर चित्रपटगृहाजवळ मोठ्या प्रमाणात वाहतूक कोंडी झाली आहे. जवळपास चार किमीच्या रांगा लागल्या आहेत. रात्री झालेल्या अपघातामुळे या ठिकाणची एक लेन बंद ठेवण्यात आली असल्याची पोलिसांनी सांगितले. आज सोमवार आणि सकाळच्या सत्रात ऑफिस महाविद्यालयांना जाणाऱ्या नागरिकांना पर्यायी मार्गाने प्रवास करावा लागतोय. औंध पिंपरी चिंचवड कडून येणाऱ्या नागरिकांनी खडकी अंडरपास द्वारे शिवाजीनगर च्या दिशेने प्रवास करावा. बाणेर कडून शिवाजीनगर कडे जाणाऱ्या नागरिकांनी एबीला ऊस येथून डावीकडे वळून घेऊन रेंजल मार्गे पुढे जावे, असे आवाहन वाहतूक पोलिसांनी केले आहे.