Pune : गोखले बिल्डर्सचा मोठा निर्णय; जैन बोर्डिंगचा जमीन खरेदी व्यवहार रद्द

Pune :  जैन बोर्डिंग हाऊसच्या जमीन व्यवहारावरून सुरू झालेल्या राजकीय वादाला अखेर पूर्णविराम मिळाला आहे. बिल्डर विशाल गोखले यांनी जैन बोर्डिंग हाऊससोबतचा जमीन खरेदी व्यवहार रद्द करण्याचा निर्णय घेतला आहे. यासंदर्भात त्यांनी ट्रस्टला ईमेलद्वारे माहिती दिली असून, हा निर्णय नैतिकतेच्या मुद्द्यावर घेतल्याचं त्यांनी स्पष्ट केलं आहे. “जैन धर्मीयांच्या भावना दुखावण्याचा आमचा हेतू नव्हता,” असंही गोखले यांनी सांगितलं.

या प्रकरणावरून शिवसेनेचे नेते रवींद्र धंगेकर यांनी केंद्रीय राज्यमंत्री मुरलीधर मोहोळ यांच्यावर गंभीर आरोपांची सरबत्ती केली होती. मात्र, मोहोळ यांनी स्वतःचा या व्यवहाराशी काहीही संबंध नसल्याचं स्पष्ट केलं होतं. नंतर त्यांनी जैन मुनींची भेट घेऊन जैन समाजाच्या पाठीशी असल्याचं सांगितलं.

Pune : दिवाळी सुट्टी संपता परतीच्या प्रवाशांची गर्दी; पुणे-पिंपरीच्या प्रवेशद्वारांवर प्रचंड कोंडी

दरम्यान, माजी आमदार रवींद्र धंगेकर आणि स्वाभिमानी शेतकरी संघटनेचे नेते राजू शेट्टी यांनी या प्रकरणी आक्रमक भूमिका घेतली होती. शेट्टी यांनी गोखले बिल्डर्सना व्यवहार रद्द करण्याचं आवाहन केलं होतं. आता गोखले बिल्डर्सकडून व्यवहार रद्द करण्यासाठी औपचारिक अर्ज सादर होण्याची शक्यता आहे.