Pune : पुणेकरांसाठी गुडन्यूज; म्हाडाच्या ४१८६ घरांसाठी सोडत, अर्ज करण्यासाठी मुदत वाढवली; शेवटची तारीख काय?

Pune : पुण्यात घर घेण्याचे स्वप्न अनेकांचे असते. परंतु पुणे शहरात घर घेणे हे सर्वसामान्यांना परवडणारे नाही. त्यामुळे अनेकजण म्हाडाच्या घरांसाठी अर्ज करतात. म्हाडामध्ये घर घेण्यासाठी आता मुदत वाढवून देण्यात आली आहे. आता तुम्ही ३० नोव्हेंबरपर्यंत अर्ज करु शकतात.

पुण्यातील ४१८६ सदनिकांसाठी आतापर्यंत १,८२,७८१ ऑनलाईन अर्ज प्राप्त झाले आहेत. त्यापैकी १,३३,८८५ अर्ज अनामत रकमेसह प्राप्त झाले आहेत. दरम्यान, अजूनही अनेकांना अर्ज करायचे आहेत. यासाठीच ही मुदत वाढवून दिली आहे.

Nagpur : नागपुरमध्ये भाजपचा मास्टरस्ट्रोक काँग्रेसला धक्का; डझनभर नेत्यांनी स्वीकारलं 'कमळ'

पुणे गृहनिर्माण व क्षेत्रविकास मंडळातर्फे पिंपरी-चिंचवड व पीएमआरडीएसह सोलापूर, कोल्हापूर व सांगली जिल्ह्यातील विविध गृहनिर्माण योजनेत सोडत जाहीर केली आहे. एकूण ४,१८६ सदनिकांच्या विक्रीकरिता अर्ज मागवले आहेत. आता या घरांसाठी अर्ज करण्यासाठी ३० नोव्हेंबरपर्यंत मुदतवाढ देण्यात आली आहे. म्हाडाच्या या निर्णयामुळे पुणेकरांना किंवा पुण्यात घर घेऊ इच्छिणाऱ्या नागरिकांना आणखी एक संधी मिळाली आहे.

म्हाडा मंडळातर्फे सदनिका विक्रीसाठी ऑनलाईन संगणकीय सोडत ११ डिसेंबर, २०२५ रोजी दुपारी १२.०० वाजता काढण्यात येणार आहे. ३० नोव्हेंबरपर्यंत तुम्हाला अर्ज करायचा आहे. ०१ डिसेंबर २०२५ रोजी संबंधित बँकेच्या कार्यालयीन वेळेपर्यंत RTGS/NEFT द्वारे अनामत रकमेचा भरणा अर्जदारांना करता येईल.

काही तांत्रिक कारणांमुळे बऱ्याच अर्जदारांची कागदपत्रे पडताळणीसाठी अडचणी आल्याने व अनेक नागरिकांची कागदपत्रांची पुर्तता झाली नव्हती. यामुळेच अर्ज करण्यासाठी आणखी काही दिवसांची मुदतवाढ देण्याची मागणी केली होती.त्यामुळे आता मुदत वाढवून दिली आहे. सोडतीसाठीचे नवीन वेळापत्रक म्हाडाच्या संकेतस्थळावर उपलब्ध असेल.