Pune : पुण्यात बनावट औषधांच्या रॅकेटचा पर्दाफाश; बिहार–सिक्कीम कनेक्शन उघड, २.७५ लाखांचा साठा जप्त

Pune : सिक्कीम मधील कंपनीचे बनावट औषध तयार करुन वितरीत करणाऱ्यांसह पुण्यातील औषध विक्रेत्यांवर गुन्हा दाखल करण्यात आला आहे. अन्न व औषध प्रशासनाने पुण्यातील औषध विक्रेत्यांसह ८ जणांवर गुन्हे दाखल करुन, पुण्यातील मेडिकल दुकानातून २ लाख ७५ हजार रुपयांची बनावट औषधे जप्त केली आहेत. याप्रकरणी पुण्यातील विश्रामबाग पोलिस ठाण्यात गुन्हा दाखल करण्यात आला आहे. पोलिसांनी अक्षय हसमुख पुनिया,  अमृत बस्तीमल जैन, मनिष अमृत जैन, रोहित पोपट नावडकर, देवेंद्र यादव, उमंग अभय रस्तोगी, महेश गर्ग, सोनी महिवाल अशी गुन्हा दाखल केलेल्यांची नावे आहेत.

अन्न व औषध प्रशासनाचे सह आयुक्त गिरीष हुकरे यांनी याबाबत माहिती दिली. अन्न व औषध प्रशासनाला सिक्कीम येथील टेरेंट फार्मास्युटिकल्स या कंपनीचे ट्रिप्सिन या बनावट औषधाची पुणे शहरामध्ये विक्री होत असल्याची माहिती मिळाली होती. १६ ऑक्टोंबर २०२५ रोजी औषध निरीक्षकांनी सदाशिव पेठेतील अक्षय फार्मा या दुकानातून औषधाच्या साठ्यामधून चाचणी व विश्लेषणासाठी नमुना घेतले.

Pune : महसूल विभागाची पुण्यात मोठी कारवाई! ९० हजार ब्रास घोटाळ्यात १० जणांवर कारवाई; महसूलमंत्र्यांचा विधानसभेत थेट मोठा निर्णय

हे औषध इतर त्याने इतर दोन जणांकडून घेतले होते. याचे सगळे धागेदोरे बिहार पर्यंत गेले. अन्न व औषध प्रशासनाने बिहारमधील गोपालगंज येथील सहाय्यक ड्रग्ज कंट्रोलर यांच्याशी माहितीसाठी पत्रव्यवहार केला. या ड्रग्ज कंट्रोलर यांनी महिवाल मेडिको ही पेढी बंद असून त्यांचा परवाना २० नोव्हेंबर २०२४ रोजीच मुदतबाह्य झाल्याचे कळवले

पुढे हे कनेक्शन थेट सिक्कीम पर्यंत पोहचले. दरम्यान, टेरेंट फार्मास्युटिकल्स, सिक्कीम यांना पाठविलेल्या औषध नमुन्याचा तुलनात्मह अभ्यास करुन त्यांनी हे औषध उत्पादित केलेले नसल्याचे व त्यांचे नसल्याचे पत्राद्वारे अन्न व औषध प्रशासनाला कळविले. मिळालेल्या माहितीच्या आधारे अन्न व औषध प्रशासनाने २ लाख ७५ हजार रुपयांचा बोगस औषधांचा साठा जप्त केला आहे. दरम्यान या प्रकरणी ८ जणांवर गुन्हा दाखल झाला असून पोलीस पुढील तपास करत आहेत.