Pune : गुंतवणुकीच्या आमिषाने १२१ जणांची नऊ कोटींची फसवणूक, भारती विद्यापीठ पोलिसांकडून एकाविरुद्ध गुन्हा

आरोपी अष्टेकर याने साई इंडस मार्केटींग आणिमल्टी सर्व्हिसेस नावाने व्यवसाय सुरू केला होता. गुंतवणूकीवर ४ ते १५ टक्के व्याज देण्याचे आमिष त्याने घाटे यांना दाखविले होते. घाटे यांनी अष्टेकरला दहा लाख रुपये गुंत‌वणुकीसाठी दिले. घाटे यांच्यासह अनेकांनी अष्टेकर याच्या व्यवसायात पैसे गुंतविले होते. सुरुवातीला त्याने परतावा दिला. त्यानंतर त्याने परतावा दिला नाही. त्यामुळे तक्रारदारांनी त्याच्याकडे पाठपुरावा केला.

अष्टेकरने त्याचे कार्यालय बंद केले. फसवणूक झाल्याचे लक्षात आल्यानंतर तक्रारदारांनी पोलीस ठाण्यात धाव घेतली. प्राथमिक तपासात अष्टेकरने १२१ जणांची नऊ कोटी २ लाख ७३ हजार रुपयांची फसवणूक केल्याचे उघडकीस आले आहे. गुन्ह्याची व्याप्ती विचारात घेऊन संबंधित गुन्हा आर्थिक गुन्हे शाखेकडे तपासासाठी सोपविण्यात आला आहे. पोलीस निरीक्षक दीपाली भुजबळ तपास करत आहेत.