Pune Accident : पुण्यात भीषण अपघात! ओव्हरटेक करताना टँकरची दुचाकीला धडक, दुचाकीवरील दोघांचा जागीच मृत्यू

Pune : पुण्यात एका भीषण अपघाताची माहिती समोर आली आहे. पुण्यातील सासवड-नारायणपूर मार्गावरील भिवडी येथे चौधरी वस्तीजवळ भीषण अपघात झाला. डिझेल टँकरने दुचाकीला जोरदार धडक मारली. या धडकेमध्ये दुचाकीचा चुराडा झाला आणि दुकाचीवरील दोघांचा जागीच मृत्यू झाला. या घटनेमुळे परिसरात हळहळ व्यक्त केली जात आहे.

मिळालेल्या महितीनुसार, कापूरहोळ येथून सासवडच्या दिशेने डिझेल वाहून नेणाऱ्या टँकरने भिवडी येथे एका दुचाकीला धडक मारली. हा टँकर एका वाहनाला ओव्हरटेक करत होता. ओव्हरटेक करताना समोरुन येणाऱ्या दुचाकीला टँकरने धडक दिली. धडक इतक्या जोरात झाली, की ट्रँकरच्या पुढच्या भागात दुचाकी अडकली आणि तिला पार चुराडा झाला.

या भीषण अपघातामध्ये दुचाकीस्वार नंदू होले (वय २२ वर्षे) आणि अपूर्वा कुंभारकर (वय २३ वर्ष) यांचा जागीच मृत्यू झाल्याची माहिती समोर आली आहे. या घटनेनंतर दोघांचे मृतदेह शवविच्छेदन करण्यासाठी दाखल करण्यात आले. सुमीत होले यांनी दिलेल्या फिर्यादीनंतर टँकरचालकाच्या विरुद्ध गुन्हा दाखल करण्यात आला आहे.

पुण्याच्या सासवड-नारायणपूर येथे मंगळवारी (२२ जुलै) भीषण अपघात झाला. ओव्हरटेक करण्याच्या नादात एका टँकरने दुचाकीला समोरुन धडक मारली. या अपघातात दुचाकीस्वार आणि त्याच्या मागे बसलेली तरुणी या दोघांचा जागीच मृत्यू झाला. या प्रकरणी पोलिसांनी टँकरचालक हरिबा टोणे याच्या विरोधात गुन्हा दाखल करण्यात आला आहे.