Pune News: पुण्यात हत्येचं सत्र सुरुच, मध्यरात्री पुन्हा एका तरुणाला संपवलं

Pune : पुणे शहर हे आता शिक्षणाचं माहेर घर नव्हे तर गुन्हेगारांची मायानगरी झाली आहे. पुण्यात दिवसाढवळ्या खून, गोळीबार अन् बलात्काराच्या घटना घडत आहेत. राष्ट्रवादी कॉंग्रेसचे माजी नगरसेवक वनराज आंदेकर यांच्या हत्येनंतर पुण्यात पुन्हा एक थरारक हत्या झाली आहे. सुनील सरोदे असं हत्या झालेल्या तरुणाचं नाव आहे. शहरातील हडपसर गुलटेकडी परिसरात मध्यरात्री एका तरुणाची हत्या करण्यात आली आहे.

पूर्ववैमनस्याच्या वादातून हत्या झाल्याचा अंदाज

मिळालेल्या माहितीनुसार, रोहन कांबळे आणि शिवशरण कांबळे हे नातेवाईक असून पूर्ववैमनस्याच्या वादातून हत्या झाल्याचा अंदाज वर्तवण्यात येत आहे. सुनील सरोदे हा डायस प्लाट परिसरात राहतो. मोक्यातील जामिनावर सुटलेले रोहन कांबळी आणि शिवशरण कांबळे यांनी त्याची हत्या केल्याची माहिती आहे. दोन्ही आरोपींना पोलिसांनी ताब्यात घेतलं आहे. हत्येचं कारण अद्याप अस्पष्ट आहे. पोलीस अधिक तपास करत आहेत.

Pune : 'फडणवीसांच्या जवळचे लोक मला गुपचूप भेटतात;..तर मी सगळं उघड करणार', जरांगेंचा पुन्हा इशारा

जामिनावर सुटलेल्या गुन्हेगारांनी केली हत्या

वनराज आंदेकर यांचा रविवारी रात्री नाना पेठेत पिस्तुलातून गोळ्या झाडून; तसेच कोयत्याने वार करून खून करण्यात आला. त्यांचे वडील बंडू उर्फ सूर्यकांत राणोजी आंदेकर (वय ६८, रा. नाना पेठ) यांनी समर्थ पोलिस ठाण्यात तक्रार दिली आहे. सदर प्रकारामुळे पुण्यातील कायदा आणि सुव्यवस्थेबाबत प्रश्न निर्माण होत आहे. या घटनेला दोन दिवसही उलटले नाहीत, तोच गुलटेकडी येथे मोक्का प्रकरणी तुरुंगात असलेल्या दोन आरोपींनी एका तरुणाची हत्या केली आहे. त्यामुळे एकच खळबळ उडाली आहे. हत्येचं कारण अद्याप गुलदस्त्यात आहे.

सुनील सरोदे अस खून झालेल्या तरुणाच नाव, तर रोहन कांबळे, शिवशरण कांबळे या आरोपीना पोलिसांनी अटक केली आहे. गुन्हा दाखल करण्यात काम स्वारगेट पोलोस स्टेशनचे वरिष्ठ पोलीस निरीक्षक करत आहे. पुण्यात गुन्हेगारी प्रकरणामध्ये दिवसेंदिवस वाढ होताना दिसत आहेत. दररोज गुन्हेगारीच्या घटना समोर येत आहेत. त्यामुळे पुणेकरांकडून चिंता व्यक्त केली जात आहे.