Navi Mumbai: नवी मुंबईत होळीच्या दिवशी भयंकर अपघात, दुचाकीला कारने उडवलं; तरुणाचा जागीच मृत्यू

Summary -होळीच्या दिवशी नवी मुंबईतील पाम बीच रोडवर भीषण अपघातदुचाकीला कारची जोरदार धडकदुचाकीस्वार तरुणाचा जागीच मृत्यूअपघातामध्ये तरुणी गंभीर जखमीविकास मिरगणे, नवी मुंबईनवी मुंबईमध्ये होळीच्या दिवशी भयंकर रस्ते अपघातामध्ये तरुणाचा मृत्यू झाला. नवी मुंबईतल्या पाम बीच रोडवर ही घटना घडली. दुचाकीला कारने जोरदार धडक दिली. कारच्या चाकाखाली चिरडून तरुणाचा जागीच मृत्यू झाला तर तरुणी गंभीर जखमी झाली. अपघातानंतर कार चालक फरार झाला. पोलिसांनी या प्रकरणी गुन्हा दाखल करत कारचालकाचा शोध सुरू केला आहे. मिळालेल्या माहितीनुसार, होळीच्या दिवशी नवी मुंबईत पाम बीच रोडवर दुचाकीला कारने धडक दिली. या अपघातामध्ये दुचाकीचा चुराडा झाला. मध्यरात्री ३ वाजताच्या सुमारास पाम बीच रोडवर ही घटना घडली. तरुण आणि तरुणी दुचाकीवरून जात होते. त्याचवेळी पाम बीच रोडवर भरधाव कारने दुचाकीला पाठीमागून जोरदार धडक दिली. तरुण आणि तरुणी रस्त्यावर खाली पडले. तरुण रस्त्याच्या मधोमध पडला. याचवेळी पाठीमागून आलेल्या कारच्या चाकाखाली चिरडून तरुणाचा मृत्यू झाला.Accident: होळी साजरी करायला जाताना काळाचा घाला, बसची कारला जोरदार धडक, ६ जणांचा मृत्यू या अपघातामध्ये तरुणी गंभीर जखमी झाली. तिला उपचारासाठी डी वाय पाटील रुग्णालयात दाखल करण्यात आले आहे. तरुणीची प्रकृती चिंताजनक असून ती मृत्यूशी झुंज देत आहे. या अपघातानंतर दोन्ही कारचे चालक घटनास्थळावरून फरार झाले. पोलिसांनी या प्रकरणी गुन्हा दाखल करत तपास सुरू केला आहे. पोलिस या दोन्ही कार चालकांचा शोध घेत आहेत. तरुणाच्या मृत्यूमुळे कुटुंबीयांना मोठा धक्का बसला.Singer Accident: मुंबईतील शोआधी प्रसिद्ध गायकाचा भीषण अपघात; रुग्णालयात केलं दाखल, आता कशी आहे प्रकृती?दरम्यान, पनवेल येथे राहणाऱ्या नवविवाहित तरुणाचा मुंबई-गोवा महामार्गावर झालेल्या अपघातामध्ये मृत्यू झाला होता. भरधाव सिमेंट मिक्सर ट्रकने या तरुणाच्या दुचाकीला धडक दिली होती. हा अपघात इतका भीषण होता की तरुणाचा जागीच मृत्यू झाला तर त्याची बायको जखमी झाली होती. ही घटना नागोठणे येथे घडली. ८ दिवसांपूर्वीच तरुणाचे लग्न झाले होते मात्र सुखी संसार सुरू होण्यापूर्वीच काळाने त्याच्यावर काळाचा घाला घातला.Accident News : अकोल्यात अपघाताचा थरार, भरधाव ट्रकने तीन शाळकरी विद्यार्थ्यांना चिरडलं, मृतांमध्ये दोन सख्खे भाऊ