चंद्रपूर हादरले! पाप लपवण्यासाठी नराधमाने अल्पवयीन पीडितेचे केले मुंडण; बाल तस्करी रॅकेटचा क्रूर चेहरा उघड

चंद्रपूर शहरात उघडकीस आलेल्या बाळविक्री रॅकेटमध्ये आता एक अत्यंत क्रूर आणि संतापजनक बाब समोर आली आहे. पैशांच्या आणि वासनेच्या हव्यासापोटी एका निर्दयी मातेने आपल्या प्रियकराच्या मदतीने स्वतःच्या दोन निष्पाप मुलांची विक्री केली होती. त्यानंतर या नराधम प्रियकराने त्या मातेच्या १५ वर्षांच्या अल्पवयीन मुलीवरही अत्याचार केल्याचा धक्कादायक प्रकार घडला आहे. आपले पाप उघड होऊ नये, म्हणून मुख्य सूत्रधार अजय फुलझेले याने त्या पीडित अल्पवयीन मुलीचे चक्क मुंडण केल्याची माहिती पोलीस तपासात समोर आली आहे.

तपासातील महत्त्वाचे मुद्दे:

क्रूरतेची परिसीमा: पीडित मुलगी गर्भवती राहिल्यानंतर हे प्रकरण उघड होऊ नये, म्हणून आरोपी अजय फुलझेलेने तिला घराबाहेर पडण्यापासून रोखले. ती शेजाऱ्यांकडे जाऊन आपली आपबिती सांगू नये किंवा 'लोक काय म्हणतील' या भीतीने तिने घर सोडू नये, यासाठी अत्यंत क्रूरपणे तिचे मुंडण केले.

पोलिस कारवाई: या प्रकरणी रामनगर पोलिसांनी बुधवारी रात्री मुख्य सूत्रधार अजय फुलझेले आणि तेलंगणातील कगजनगर येथील बाळ खरेदी करणाऱ्या महिलेच्या एका स्थानिक नातेवाईकाला अटक केली आहे.

ही कारवाई पोलीस अधीक्षक आयुष नोपाणी यांच्या मार्गदर्शनाखाली रामनगर पोलिसांनी केली. डीएनए चाचणी: पोलिसांनी याआधीच निर्दयी माता आणि तेलंगणातील बाळ खरेदी करणाऱ्या महिलेला ताब्यात घेऊन विकलेले बाळ सुखरूप परत आणले होते.

रॅकेटमधून विक्री केलेल्या दोन बाळांसह एकूण तिघांची डीएनए चाचणी करण्यात आली असून, आता पीडित अल्पवयीन मुलगी आणि तिच्या बाळाच्या डीएनए चाचणीची प्रक्रिया सुरू आहे.

पुढील तपास: या रॅकेटमध्ये स्थानिक महिला नातेवाईकाव्यतिरिक्त आणखी एका पुरुषाचा सहभाग असल्याचे पोलिसांना कळाले आहे. पोलीस आता त्या मदतगाराच्या मागावर असून लवकरच त्यालाही अटक केली जाईल.

 

सविस्तर वाचा, लिंक कमेंट मध्ये  https://punenews24.in/