Kalyan : धक्कादायक! किरकोळ वादातून गरोदर महिलेवर निर्दयी मारहाण; पोटावर लाथ बसून गर्भातील बाळाचा मृत्यू

Kalyan : कल्याणजवळील मोहने गावातील लहूजीनगर परिसरात एक भयंकर घटना उघडकीस आली. क्षुल्लक कारणावरून दोन शेजाऱ्यांमध्ये वाद निर्माण झाला. वादाचं रूपांतर हाणामारीत झालं. यादरम्यान, गरोदर महिलेवर जीवघेणा हल्ला झाल्याची घटना घडली. आरोपीनं गरोदर महिलेच्या पोटावर जोरात लाथ मारली. या मारहाणीमुळे महिलेच्या पोटातील बाळाचा मृत्यू झाला. या घटनेनंतर पोलिसांनी तपासाला सुरूवात केली आहे.

मिळालेल्या माहितीनुसार, कल्याण–कसारा रेल्वे मार्गालगतच्या मोहने गावतील लहूजीनगर परिसरात क्षुल्लक कारणावरून दोन शेजाऱ्यांमध्ये वाद झाला होता. तक्रारदाराच्या मित्राच्या डोक्यावरची टोपी आरोपीने काढून स्वतःच्या डोक्यावर ठेवली. त्यानंतर तक्रारदाराने ती टोपी परत घेत आपल्या मित्राला दिली. याच क्षुल्लक कारणाचा मनात राग धरून आरोपीने वाद घालत मारहाण सुरू केली.

Pune : दोन कोटींचं लग्न, फॉर्च्युनर आणि 55 तोळे सोने दिलं तरीही छळ; पुण्यात सासऱ्यावर विवाहितेच्या विनयभंगाचा आरोप

हाणामारी दरम्यान आरोपीने गरोदर महिलेला लक्ष्य करत तिच्या पोटावर जोरात लाथ मारली. या मारहाणीत गरोदर महिला गंभीर जखमी झाली. गरोदर महिलेला तातडीने रूग्णालयात दाखल करण्यात आले. उपचारासाठी रुग्णालयात नेल्यानंतर डॉक्टरांनी पोटातील बाळ मृत झाल्याचे सांगितले.

या धक्कादायक प्रकारानंतर परिसरात संतापाची लाट उसळली आहे. याप्रकरणी खडकपाडा पोलीस ठाण्यात विविध कलमान्वये गुन्हा दाखल करण्यात आला असून, पोलिसांनी तपास सुरु केला आहे. आरोपींच्या अटकेसाठी पोलिसांचे पथक कार्यरत असून, पुढील चौकशी सुरू आहे.