Jalna : जालन्यात भीषण अपघात, काही मिनिटांतच दोन्ही वाहने आगीत खाक; धडकी भरवणारा CCTV फुटेज समोर

Jalna : जालना जिल्ह्यातील भोकरदन येथे एक भीषण असा अपघात 1 जानेवारी 2026 रोजी रात्री साडेअकरा वाजेच्या सुमारास झाल. या अपघातामध्ये दोन्हीही वाहन पूर्णतः जळून खाक झाली आहे. 1 जानेवारीला गुरुवारी रात्री साडेअकरा वाजेच्या सुमारास जालना जिल्ह्यातील भोकरदन येथे भोकरदन ते सिल्लोड या मुख्य मार्गावर हॉटेल 21 समोर एक चार चाकी कार पांढऱ्या रंगाची ही उभी होती. कारचालक हा हॉटेलमध्ये काहीतरी पार्सल आणण्यासाठी गेला होता.

रोडच्या एका साईडला उभी होती त्याच वेळेस जालन्यावरून भोकरदन येथून सिल्लोडच्या दिशेने सुकलेले लाकडं घेऊन जाणारा ट्रक आला. यावेळी ट्रक चालकाचे ट्रकवरील नियंत्रण सुटले व ट्रक हा थेट उभ्या असलेल्या कार वर जाऊन धडकला. हा अपघाताचा क्षण पूर्ण हॉटेलच्या सीसीटीव्ही कॅमेऱ्यात कैद झाला आहे, काही क्षणात हा भीषण अपघात झाला आणि ट्रक मध्ये असलेल्या ट्रक चालकाने प्रसंग सावधानता राखत ट्रक मधून उडी मारली आणि बाहेर पडला.

Pune : महारेरा’चा दणका! बिल्डरांकडून कोट्यवधींची वसुली; ग्राहकांना रक्कम परत मिळाली

यावेळी ट्रक हा कार वर धडकून अपघात ग्रस्त झाला व या लाकडाच्या ट्रक खाली कार दबल्या गेली, कारने पेट घेतला, यात दोन्ही वाहने काही क्षणात पेटली. ही घटना त्या ठिकाणी उपस्थित असलेल्या काही नागरिकांनी पाहिली दोन्हीही वाहनांची आग विझवण्याचा प्रयत्न केला. मात्र आग विझवू शकली नाही, यानंतर हॉटेल 21 मालक विकास जाधव यांनी भोकरदन अग्निशमन विभागाला याची माहिती दिली, अग्निशमन विभागाच्या अधिकाऱ्यांनी तात्काळ घटनास्थळी धाव घेत 4 ते 5तास आग विझवण्याचा प्रयत्न केला मात्र आग विझु शकली नाही ,शेवटी दोन्हीही वाहने जळून पूर्णतः खाक झाली, सुदैवाने यामध्ये कोणतीही जीवितहानी जरी झाली नसली मात्र दोन्हीही वाहने पूर्णतः जळून खाक झाली आहे.