Hinjawadi-Shivajinagar Metro

Pune : माण-हिंजवडी ते शिवाजीनगर मेट्रो मार्च अखेरपर्यंत सुरू होणार, ही घोषणा म्हणजे निव्वळ पोकळ गप्पा आहेत. जिल्हा न्यायालय ते बालेवाडी स्टेडियम यादरम्यानच्या मेट्रो मार्गाच्या पाहणीत १४ स्थानकांपैकी केवळ दोन ते तीन स्थानकांची ९० टक्के किंवा त्याहून अधिक कामे झाली असून, उर्वरित सर्वच स्थानकांची बरीच कामे बाकी आहेत. अनेक स्थानकांवर अपेक्षित कामगारांची संख्या दिसून येत नाही.

पुणे महानगर प्रदेश विकास प्राधिकरणातर्फे (पीएमआरडीए) सार्वजनिक-खासगी भागीदारी स्वरूपात (पीपीपी) हा प्रकल्प विकसित केला जात आहे. 'पुणे आयटी सिटी मेट्रो' या कंपनीतर्फे हे काम केले जात आहे. मार्च अखेरपर्यंत मेट्रो मार्ग सुरू करण्याचा आदेश मुख्यमंत्री देवेंद्र फडणवीस यांनी दिला होता; परंतु हे काम अत्यंत संथ गतीने सुरू असून, काही मेट्रो स्थानकावरील कर्मचाऱ्यांसोबत संवाद साधल्यानंतर पुढील चार ते पाच महिने कामे पूर्ण होण्यास लागतील, असे त्यांनी सांगितले.

Mumbai : पहाटे 1 वाजता गच्चीवर गेला, सकाळी कॅम्पसमध्ये आढळला मृतदेह; IIT मुंबईतील विद्यार्थ्याने टोकाचं पाऊल का उचललं?

हिंजवडी-शिवाजीनगर दरम्यानची काही स्थानके सुरू करून मेट्रो सुरू करण्यासाठी सुरक्षा तपासणीचा प्रस्ताव ‘सीएमआरएस’ला पाठवावा लागतो. प्राथमिक पाहणीअंती सुचविण्यात आलेल्या सूचना व अटी-शर्तींची पूर्तता केल्यानंतरच अंतिम तपासणी होऊन व मेट्रो सुरू करण्याची परवानगी मिळते. सर्व मेट्रो प्राधिकरणांना हीच प्रक्रिया पार पाडावी लागते. प्राथमिक तपासणी व अंतिम तपासणी यामध्ये साधारणतः दोन ते तीन महिने किंवा कधी त्यापेक्षा अधिक कालावधी लागतो. हा प्रस्तावच अजून केंद्रीय स्तरावर पाठविला गेला नसल्याने हिंजवडी मेट्रोची मार्च २०२६ची ‘डेडलाइन’ पुढे जाणार हेच स्पष्ट होत आहे.

मुख्यमंत्री देवेंद्र फडणवीस यांनी काही महिन्यांपूर्वी घेतलेल्या आढावा बैठकीमध्ये, ‘कोणत्याही परिस्थितीत मार्च २०२६ची डेडलाइन वाढवून मिळणार नाही. कामे वेळेत काम पूर्ण करा,’ अशी तंबीच ‘पीएमआरडीए’ आणि ‘पुणे आयटी सिटी मेट्रो’ कंपनीला दिली होती. मात्र, दुर्दैवाने प्रकल्पाचे काम वेळेत पूर्ण होते की नाही, याकडे निवडणुकीच्या धामधुमीत दुर्लक्ष झाले. त्यामुळे मूळ आराखड्यानुसार मार्च २०२५ ला पूर्ण होणारा प्रकल्प या मुदतीच्या वर्षभरानंतरही पूर्ण होणार नाही याकडे लक्ष द्यायला कोणालाच वेळ नाही.