Pune : चिंता वाढली! जीबी सिंड्रोममुळे पुण्यात एकाच दिवशी दोघांचा मृत्यू; राज्यातील मृतांचा आकडा ४ वर

Pune : जीबी सिंड्रोम आजाराने टेन्शन वाढवले आहे. पुण्यात जीबी सिंड्रोम आजारामुळे आणखी दोघांचा मृत्यू झाला आहे. पिंपरी-चिंचवडमध्ये ३६ वर्षीय तरुणाचा तर पुण्यातील नांदेड गावातील एका महिलेचा या आजारामुळे मृत्यू झाला आहे. या आजाराने राज्यात आतापर्यंत ४ जणांचा बळी घेतले आहेत. त्यामुळे या आजाराची भीती वाढली आहे. पालिका प्रशासन अलर्ट मोडवर आले आहे.

पुण्यात जीबी सिंड्रोम बाधित आणखी एकाचा मृत्यू झाला आहे. पुणे शहरात या आजारामुळे तिसऱ्या व्यक्तीचा मृत्यू झाला आहे. पुण्यातील नांदेडगावतील ६० वर्षीय महिलेचा मृत्यू झाला आहे. गेल्या १५ दिवसांपासून ससून रुग्णालयात या महिलेवर उपचार सुरू होते. नांदेड गावातली या महिलेला ब्लड प्रेशरचा त्रास होता. त्यामुळे काही दिवस पुण्यातील खासगी रुग्ण्यालयात तिच्यावर उपचार सुरु होते.

Koyta Gang : कोथरुड मध्ये कोयता गॅंगची दहशत; भर रस्त्यावर दुचाकी चालकावर हल्ला, एक जण गंभीर जखमी

प्रकृती अजून खालावत चालल्याचे पाहून कुटुंबाने महिलेला ससून रुग्णालयात दाखल केले होते. ससून रुग्णालयात उपचार सुरू असताना आज या महिलेचा मृत्यू झाला. पुण्यातील नांदेड गावात अनेक रुग्ण हे जीबीएस बाधित आहेत. त्यामधील या महिला रुग्णाचा मृत्यू झाला. पुण्यातला तिसरा आणि राज्यातला हा चौथ्या रुग्णाचा मृत्यू झाला आहे.

तर दुसरीकडे पिंपरी चिंचवडमध्ये जीबी सिंड्रोम आजाराने पहिला बळी घेतला आहे. ३६ वर्षीय तरुणाचा उपचारादरम्यान मृत्यू झाला. या तरुणावर २१ जानेवारीपासून वायसीएस रुग्णालयात उपचार सुरू होते. पण उपचारादरम्यान आज त्याचा मृत्यू झाला. पिंपरी चिंचवड शहरातील वेगवेगळ्या भागात जीबी सिंड्रोमचे १३ संशयित रुग्ण आढळले होते. त्यापैकी ५ रुग्ण हे बरे झाले असून एका रुग्णाचा मृत्यू झाला आहे.

जीबी सिंड्रोम आजाराला आळा घालण्यासाठी पिंपरी चिंचवड महापालिकेच्या आरोग्य विभागाने घरोघरी जाऊन सर्वेक्षण सुरू केले आहे. ज्या भागात जीबीएस सिंड्रोमचे रुग्ण जास्त आढळून येत आहेत. त्या भागात पिंपरी चिंचवड महानगरपालिकेच्या वतीने सर्वेक्षण करण्यात येत असून ८ विभागात प्रत्येकी २ अशी १६ पथके तैनात करण्यात आली आहेत. या पथकांनी आतापर्यंत १० हजार ४३ घरे तपासली आहेत. दरम्यान या आजारावर पालिकेच्या कोणत्याही रुग्णालयात मोफत उपचार देण्यात येत असल्याची माहिती आरोग्य विभागाकडून देण्यात आली आहे.