१६.२ कोटींच्या फसवणूक प्रकरणात मुंबई महापालिकेचे सहाय्यक आयुक्त महेश पाटील निलंबित; अभिनेता जावेद जाफरीच्या पत्नीची तक्रार

मुंबई: महानगरपालिकेच्या 'के-उत्तर' विभागाचे सहाय्यक आयुक्त महेश पाटील यांच्यावर गंभीर आरोप झाल्यानंतर पालिकेने त्यांना निलंबित केले आहे. प्रसिद्ध अभिनेते जावेद जाफरी यांच्या पत्नी हबीबा जाफरी यांची तब्बल १६.२ कोटी रुपयांची फसवणूक केल्याप्रकरणी मुंबई गुन्हे शाखेने गुन्हा दाखल केल्यानंतर ही मोठी कारवाई करण्यात आली आहे.

 

नेमके काय घडले?
मिळालेल्या माहितीनुसार, हबीबा जाफरी यांची महेश पाटील यांच्याशी २०२४ मध्ये टॅक्सशी संबंधित कामासाठी भेट झाली होती. या भेटीदरम्यान, पाटील यांनी त्यांना वांद्र्यातील एका पुनर्विकास प्रकल्पात गुंतवणुकीचे आमिष दाखवले. जास्तीचा परतावा मिळेल, असे खोटे आश्वासन देऊन पाटील यांनी त्यांना सह-आरोपी निशित पटेलच्या माध्यमातून व्यवहार करण्यास प्रवृत्त केले. मात्र, हा प्रकल्प बनावट असल्याचे आणि गुंतवणुकीचे पैसे हडपल्याचे लक्षात येताच हबीबा जाफरी यांनी गुन्हे शाखेकडे तक्रार नोंदवली.

पोलीस कारवाई आणि सद्यस्थिती:
मुंबई गुन्हे शाखेने या प्रकरणी महेश पाटील, निशित पटेल, रुपेश मोरे यांच्यासह एकूण सहा जणांविरोधात विविध कलमांतर्गत (BNS) गुन्हा दाखल केला आहे. या प्रकरणातील मुख्य आरोपी निशित पटेल याला पोलिसांनी अटक केली असून तो सध्या पोलीस कोठडीत आहे. मात्र, या प्रकरणाचे नाव समोर आल्यानंतर सहाय्यक आयुक्त महेश पाटील फरार झाले असून, गुन्हे शाखा त्यांचा शोध घेत आहे. या गंभीर घटनेनंतर महापालिका प्रशासनाने चौकशी पूर्ण होईपर्यंत पाटील यांना निलंबित ठेवण्याचा निर्णय घेतला आहे. आरोपींनी अशाच प्रकारे इतर गुंतवणूकदारांनाही फसवले असल्याचा संशय पोलिसांना आहे.

 

सविस्तर वाचा, लिंक कमेंट मध्ये  https://punenews24.in/