Akola News : हुबेहूब मनोज जरांगे पाटील यांच्या सारखे दिसणारे तुळशीराम गुजर यांचा वंचितमध्ये प्रवेश

उपजिल्हाप्रमुख मंगेश माकोडे, जिल्हासंघटक कुशल जैन, जिल्हाप्रमुख वाहतूक आघाडीचे सिदार्थ तायडे, उपशहर प्रमुख संदीप उपरवटसह इतर प्रमुख पदाधिकारी आणि 40 ते 50 कार्यकर्त्यांनी वंचित यांनी प्रवेश केला आहे.

हुबेहूब दिसणारे मनोज जरांगे पाटीलांचाही वंचितमध्ये प्रवेश...

अकोला शहरात हुबेहूब मनोज जरांगे पाटील यांच्यासारखे दिसणारे तुळशीराम गुजर यांनीही वंचित बहुजन आघाडी मध्ये प्रवेश केलाय. अकोल्यातील जुन्या शहरात राहणारे तुळशीराम गुजर हे हुबेहूब मनोज जरांगे पाटील यांच्यासारखे दिसतात. जेव्हा ते अकोला शहरातून मनोज जरांगे पाटील यांना पाठिंबा देण्यासाठी निघाले होते. त्यावेळी अनेकांनी त्यांना पाहून सर्वजण आश्चर्यचकित झाले होते.

तुळशीराम गुजर हे अकोला शहरातील जुने शहर वस्तीत राहतात. ते म्हणाले होते की, त्यांना अभिमान वाटतो की, मी मराठा योद्धा मनोज जरांगे पाटील यांच्यासारखा दिसतो. मला अनेकांनी सांगितले, माझ्या सोबत सेल्फीही घेतल्या. गुजर हे मनोज जरांगे पाटील यांना पाठिंबा देण्यासाठी चरणगाव या ठिकाणी गेले होते. इतकेच नाही तर, जरांगे पाटील यांच्या जिथे सभा झाल्या त्या ठिकाणी ते उपस्थित होते