Ajit Pawar plane crash : अजितदादांच्या अपघाताचा नवा व्हिडीओ समोर, विमान कोसळलं अन्…, धक्कादायक माहिती समोर

28 जानेवारी रोजी अजित पवार यांच्या विमानाचा अपघात झाल्याची दुर्दैवी घटना घडली होती. या अपघातामध्ये अजित पवार यांच्यासह 5 जणांचा मृत्यू झाला. अजित पवार हे मुंबईवरून बारामतीला येण्यासाठी विमानाने निघाले होते. विमान बारामतीमध्ये धावपट्टीवर उतरत असताना हा अपघात झाला. विमान धावपट्टीवर उतरत असताना विमानाचं नियंत्रण सुटलं आणि विमान थेट जमिनिला धडकलं. विमान जमिनिला धडकल्यानंतर मोठा स्फोट झाला आणि आग लागली. दरम्यान हा अपघात नेमका कसा झाला, याचे आतापर्यंत दोन व्हिडीओ समोर आले आहेत. आता आणखी एक व्हिडीओ समोर आला आहे. या अपघाताचा दुसरा जो व्हिडीओ होता, त्यामध्ये विमान हवेतच तिरकं झाल्याचं पहायला मिळत होतं, त्यावरून अनेकांनी या अपघाताबद्दल शंका देखील उपस्थित केली होती, दरम्यान आता आणखी एक व्हिडीओ समोर आला आहे.

व्हिडीओमध्ये पहायला मिळतंय  की अपघात झाल्यानंतर काही वेळातच स्थानिकांनी घटनास्थळी धाव घेतली होती. विमान कोसळल्यानंतर स्फोट होऊन काही क्षणातच या विमानाला भीषण आग लागली, मात्र आता आग लागल्यानंतर देखील आणखी एक स्फोट झाल्याची माहिती समोर आली आहे. आगीच्या  ज्वाळा उसळत असतानाच अचानक पुन्हा एक जोरदार स्फोट झाल्याचं प्रत्यक्षदर्शींनी सांगितले आहे. या स्फोटाचा व्हिडीओ आता समोर आला आहे. विमानाला आग लागल्यानंतर पुन्हा एकदा जोरदार स्फोट झाला, या स्फोटाचा आवाज व्हिडीओमधून स्पष्ट ऐकायला मिळत आहे. या स्फोटानंतर परिसरात धुराचे लोट पसरले या स्फोटामुळे घटनास्थळी आलेल्या नागरिकांमध्ये देखील भीती निर्माण झाली.

अजित पवार यांच्या विमानाचा भीषण अपघात झाला होता, आता या अपघाताच आणखी एक व्हिडीओ समोर आला आहे. pic.twitter.com/86IGnph1QC

— TV9 Marathi (@TV9Marathi) February 15, 2026

दरम्यान दुसरीकडे घटनेची माहिती मिळताच स्थानिक प्रशासन, पोलीस आणि अग्निशमन दलाने तातडीने घटनास्थळी धाव घेतली होती.  अपघातानंतर हा संपूर्ण परिसर सील करण्यात आला, आगीवर नियंत्रण मिळवण्यात आलं, सध्या या अपघाताच तपास विविध यंत्रणांकडून सुरू आहे. तर दुसरीकडे या विमान अपघाताचा तपास सुरू असतानाच काही जणांकडून या अपघातावर शंका देखील उपस्थित करण्यात येत आहे.