Abhishek Ghosalkar Death : दहिसरमधील गोळीबारात ठाकरे गटाच्या अभिषेक घोसाळकरांचा मृत्यू, पोलीस उपआयुक्त रोशन यांनी दिली माहिती

Abhishek Ghosalkar Death : ठाकरे गटाचे माजी नगरसेवक अभिषेक घोसाळकरांवर झालेल्या गोळीबारात त्यांचा मृत्यू झालाय. फेसबुक लाईव्ह चालू असताना मॉरिस नोरोन्हा नावाच्या व्यक्तीने अभिषेक घोसाळकरांवर याच्यावर गोळ्या झाडल्या. हल्ला झाल्यानंतर घोसळकर यांना करुणा रुग्णालयात दाखल करण्यात आले होते. तेथे उपाचार चालू असताना त्यांचा मृत्यू झाला, असल्याची माहिती पोलीस उपआयुक्त राजतिलक रोशन यांनी दिलीय. 

Delhi Metro Slab : मेट्रो स्टेशनचा स्लॅब रस्त्यावर कोसळला; काहीजण ढिगाऱ्याखाली दबले, बचावकार्य सुरू

गोळीबाराचा थरार फेसबुक लाईव्हमध्ये दिसला आहे. आपआपसातील वादातून गोळीबार झाल्याची प्राथमिक माहिती पोलिसांनी दिली. अभिषेक घोसाळकर हे ठाकरे गटाचे नेते आणि माजी आमदार विनोद घोसाळकरांचे पुत्र होते. पैश्याचा वादातून हा हल्ला झाल्याचं सांगण्यात येत आहे. चालू फेसबुक लाईव्हच्या दरम्यान मॉरिसने अभिषेक घोसाळकर यांच्यावर पाच गोळ्या झाडल्या यातील तीन गोळ्यांना अभिषेक घोसाळकर यांना लागल्या.

मिळालेल्या माहितीनुसार दहिसरच्या मॉरीसभाई याच्या कार्यालयात ही घटना घडली. आरोपी मॉरीस यांच्या कार्यालयात मॉरीस नोरोन्हा आणि अभिषेक घोसाळकर हे दोघेही इंग्रजीत एकमेकांसोबत चर्चा करताना दिसत आहेत. फेसबुक लाईव्ह करत असताना मॉरीस खुर्चीतून उठून जातो, त्यानंतर अभिषेक घोसाळकर हेदेखील निघून जात असतात. त्याच दरम्यान त्यांच्या मॉरीसने गोळ्या झाडल्या. हे दृश्य फेसबूक लाईव्हमध्ये कैद झाले आहेत.