पाकिस्तानमध्ये या व्यवसायाचं लायसन्स फक्त हिंदूंनाच मिळतं, दर वर्षी करतात कोट्यवधींची कमाई, नाव ऐकताच तुम्हालाही बसेल धक्का

पाकिस्तान हा भारताचा शेजारी देश आहे. भारत आणि पाकिस्तानमधील संबंध कायमच तणावपूर्ण राहिले आहेत. पहलगाम दहशतवादी हल्ल्यानंतर भारताने केलेल्या ऑपरेश सिंदूरमुळे तर आता भारत आणि पाकिस्तानमधील तणाव प्रचंड वाढला आहे. भारताने पहलगाम दहशतवादी हल्ल्यानंतर पाकिस्तान आणि पाकव्याप्त काश्मीरमध्ये एअर स्ट्राईक केला होता, या एअर स्ट्राईकमध्ये शंभर पेक्षा जास्त दहशतवाद्यांचा खात्मा झाला. पाकिस्तान हे एक मुस्लिम बहुल राष्ट्र आहे. पाकिस्तानच्या एकूण लोकसंख्येपैकी हिंदूंची लोकसंख्या अवघी 1.61 ते 2.17 टक्के इतकीच आहे. पाकिस्तानमध्ये अल्पसंख्यांक लोकांवर अन्याय अत्याचार सुरूच आहेत. अल्पसंख्यांकांवर होणाऱ्या हल्ल्यांमुळे जगभरात पाकिस्तानची नाचक्की झाली आहे. बळजबरीने धर्मांतर घडवून आणले, अल्पसंख्यांकांना कायद्याची मदत मिळू न देणे, हिंदू धर्मातील मुलींशी बळजबरीने लग्न अशा गंभीर प्रकरणाचा यामध्ये समावेश आहे. एका रिपोर्टनुसार पाकिस्तानमधील बहुसंख्य हिंदू कुटुंब हे गरीबी रेषेखाली असून, अतिशय हलाकीमध्ये जीवन जगत आहेत.

मात्र पाकिस्तानमध्ये असा एक व्यवसाय आहे, तिथे ज्याचं लायसन्स फक्त हे हिंदू लोकांनाच दिलं जात आहे. मुस्लिमांनी हा व्यवसाय करणं देखील गुन्हा मण्यात येतो. तो व्यावसाय आहे दारू विक्रीचा, पाकिस्तानमध्ये मद्य परवाने हे फक्त हिंदू आणि इतर अल्पसंख्यांक व्यक्तींनाच देण्यात येतात.मुस्लिम समाजातील लोकांनी दारू विक्रीस पाकिस्तानमध्ये बंदी आहे. पाकिस्तानमधील अल्पसंख्यांक समुदायासोबतच पाकिस्तानमध्ये विदेशी व्यक्तींना देखील दारू विक्रीचा परवाना दिला जातो. पाकिस्तानमध्ये जेवढी दारू विक्रीची दुकानं आहेत, त्यातील जवळपास 60 ते 70 टक्के दुकानं ही सिंध आणि बलुचिस्तानमध्ये आहेत. पाकिस्तानच्या पंजाब आणि खैबर पख्तूनख्वा सारख्या राज्यात तर दारू विक्रीचे नियम हे अतिशय कडक आहेत.

दरम्यान याबाबत बोलताना मानवाधिकार संघटनांकडून असा देखील दावा करण्यात येतो की, पाकिस्तानमध्ये हिंदू लोकांची स्थिती अतिशय गरीब आहे. त्यामुळे ते दुसरा पर्याय नसल्यामुळे या व्यवसायाकडे वळतात. मात्र या व्यवसायामधून तेथील परवानाधारक लोकांना चांगली कमाई होत असल्याचं समोर आलं आहे. एका रिपोर्टनुसार पाकिस्तानला आर्थिक वर्ष 2023 – 2024 मध्ये दारूच्या विक्रीमधून तब्बल 2.29 अब्ज पाकिस्तानी रुपयांचा महसुल मिळाला होता, काही राज्यामध्ये तर या महसुलात 102 टक्क्यांपर्यंत वाढ नोंदवण्यात आली होती.