डोनाल्ड ट्रम्प यांना जबर धक्का, भारताचा सर्वात मोठा शत्रू रशियाच्या मदतीला, कोणालाही न कळू देता गुपचूप…

China Oil Import : काही दिवसांपूर्वी भारत आणि अमेरिका यांच्यात ऐतिहासिक असा अंतरिम व्यापार करार झाला. या व्यापार कराराअंतर्गत भारत आणि अमेरिका यांच्यात कृषी, उद्योग तसेच वेगवेगळ्या क्षेत्रांच्या व्यापारवृद्धीसाठी प्रयत्न करण्यात येणार आहेत. दोन्ही देशांनी व्यापारात एकमेकांना अनेक पातळ्यांवर सूट दिलेली आहे. हा करार करताना मात्र अमेरिकेकडून वेगवेगळे दावे करण्यात आलेले आहेत. हा करार करताना भारताने रशियाकडून तेल खरेदी न करण्याचे मान्य केलेले आहे, असे अमेरिकेकडून सांगितले जात आहे. असे असतानाच चीनने आपला डाव साधला आहे. रशियासोबत आपला तेल व्यापार वाढवण्यासाठी चीनकडून प्रयत्न केले जात आहेत.

अमेरिका नेमका काय दावा करत आहे?

भारत-अमेरिका यांच्यातील अंतरिम करार घडवून आणण्यासाठी भारताने रशियाकडून तेल खरेदी न करण्याचा प्रस्ताव मान्य केलेला आहे, असे अमेरिकेकडून उघडपणे सांगितले जात आहे. भारताने मात्र आम्ही रशियाकडून तेल खरेदी करणार नाही, असे कुठेही सांगितलेले नाही. आमची इंधनाची गरज आणि सुलभता लक्षात घेऊनच आम्ही भविष्यातील निर्णय घेऊ, अशी भूमिका भारताने घेतलेली आहे. दुसरीकडे मिळालेल्या माहितीनुसार भारताने मात्र सरकारी तेल कंपन्यांना अमेरिका आणि व्हेनेझुएलाच्या तेल खरेदीला प्राधान्य द्या, असे अनौपचारिकरित्या सांगितलेले आहे. या सर्व घडामोडी घडत असताना मात्र चीनने रशियासोबत सलगी वाढवलेली आहे. चीनकडून सवलतीत दिले जात अससलेले तेल मोठ्या प्रमाणात खरेदी केले जात आहे.

चीनने तेल खरेदी किती वाढवली?

चीनने रशियाकडून रेकॉर्डब्रेक तेल खरेदी केली आहे. व्यापारी आणि जहाज ट्रॅकिंगच्या डेटानुसार भारताने रशियाकडील तेल खरेदी कमी केल्यानंतर आता चीनने सलग तिसऱ्या महिन्यात आपली तेल खरेदी वाढवलेली आहे. वॉर्टेक्सा अॅनालिटिक्सच्या सुरुवातीच्या अभ्यासानुसार फेब्रुवारी महिन्यात रशियाकडून चीनला 20 लाख रुपये प्रतिबॅरल एवढी कच्च्या तेल्याची निर्यात केली जाऊ शकते. जानेवारी महिन्यात हे प्रमाण 17 लाख बॅरल प्रति दिन एवढी होती. केप्लरच्या अंतरिम आकड्यांनुसार चीनने रशियाकडून फेब्रुवारी महिन्यात साधारण 20.83 लाख बॅरल प्रति दीन एवढी खरेदी केली आहे. हीच खरेदी जानेवारी महिन्यात 17.18 लाख बॅरल प्रति दिन एवढी होती. रशियाला कोंडीत पकडण्यासाठी अमेरिका भारतावर दबाव टाकत आलेला आहे. अंतरिम व्यापार करार झाल्यानंतर भारताने रशियाकडून तेल खरेदी कमी केली आहे. परंतु आता भारताचा शत्रू मानला जाणारा चीन देश तेल खरेदी वाढवून एका प्रकारे रशियाच्या मदतीला धावून आला आहे. दरम्यान, आता चीन रशियाकडून तेल खरेदीद वाढ करत असल्याने भविष्यात नेमके काय होणार? हे पाहणे महत्त्वाचे ठरणार आहे.