गटशिक्षणाधिकाऱ्याने तोडले अकलेचे तारे! 6 वर्षांपूर्वी निधन झालेल्या कर्मचाऱ्याला लावली ड्यूटी

योगेश काशीद, साम टीव्ही

बीडचे गटशिक्षणाधिकारी समंदर खान हे या ना त्या कारणामुळे नेहमीच चर्चेत असतात. या महाशयांनी दहावीच्या भरारी पथक आणि बैठे पथक नियुक्त करताना चक्क चार-पाच वर्षांपूर्वी मृत झालेल्या ग्रामसेवकाच्या नावाने ऑर्डर काढून आपल्या अकलेचे तारे तोडले आहेत. आता या कर्मचाऱ्याला ऑर्डर इशू करण्यासाठी समंदर खान हे स्वतः स्वर्गात जाणार की हाताखालच्या एखाद्या कर्मचाऱ्याला स्वर्गात पाठवून ऑर्डर इशू करणार अशी चर्चा सुरू झाली आहे. मृत कर्मचाऱ्यांच्या नावाने ऑर्डर काढून आपला गलथानपणा दाखवून देणाऱ्या गटशिक्षणाधिकारी खान यांच्यावर निलंबनाची कारवाई करण्याची मागणी होत आहे.