अभिनेत्रीच्या नावाने ‘गंदी बात’, व्हॉट्स ॲप चॅट लीक होताच एकच खळबळ, कोण आहे ती?

‘मस्ती 4’ या चित्रपटात झळकलेली अभिनेत्री रुही सिंहसोबत मोठी फसवणूक झाली आहे. तिच्या नावाचा गैरवापर करून व्हॉट्स ॲपवर अश्लील चॅट केले जात आहेत. रुहीच्या नावाने व्हॉट्स ॲपचे चॅट्स लीक झाले आहेत. सोशल मीडियावर हे चॅट्स व्हायरल होत आहेत. या चॅट्सना खुद्द रुहीनेही तिच्या इन्स्टा अकाऊंटवर शेअर केलं आहे. हे सर्व बनावट आणि बोगस असल्याचं तिने स्पष्ट केलं आहे. हे चॅट्स माझे नाहीत, कोणीतरी दुसरीच व्यक्ती माझ्या नावाचा गैरवापर करत असल्याचं रुहीने म्हटलं आहे. याप्रकरणी तिने पोलिसांत तक्रारसुद्धा दाखल केली आहे. त्यासोबत व्हॉट्स ॲप नंबरची माहिती देऊन लोकांना अलर्ट राहण्याची आणि फसवणूक करणाऱ्या व्यक्तीला ब्लॉक करण्याची विनंती केली.

नेमकं काय आहे प्रकरण?

रुही सिंहने तिच्या नावाने व्हॉट्सॲपवर होणाऱ्या फसवणुकीविषयी लोकांना माहिती दिली आणि त्याचसोबत अश्लील चॅट्सचाही खुलासा केला. 8 फेब्रुवारी रोजी तिने तिच्या इन्स्टाग्राम अकाऊंटवर त्या बनावट नंबरची माहिती दिली, ज्यावरून चॅट केले जात होते. हा नंबर आहे.. 639 584 327. रुहीने स्पष्ट केलं ही हा तिचा व्हॉट्स ॲप नंबर नाहीत. तिने लोकांना लगेचच तो नंबर ब्लॉक करून रिपोर्ट करण्याचा विनंती केली आहे.

रुही सिंहने या नंबरवरून तिच्या नावाने केलेल्या चॅट्सचा स्क्रीनशॉटसुद्धा शेअर केला आहे. तिने लिहिलं, ‘ही मी नाही. जर तुम्हालाही अशाप्रकारचे घाणेरडे आणि अश्लील मेसेज येत असतील, तर कृपया तो नंबर ताबडतोब ब्लॉक करा. मी पोलीस आणि सायबर क्राइमकडे याबद्दल तक्रार करत आहे. दुसऱ्या व्यक्तीच्या नावाने असे कारनामे करताना लाज वाटत नाही का?’

रुहीने ज्या चॅट्सचे स्क्रीनशॉट शेअर केले आहेत, त्यात लिहिलंय, ‘मी एक फोटोशूट करायचा विचार करतेय, एकदम क्रेझी.. माझा मस्तीपूर्ण आणि क्रेझी स्वभाव कॅप्चर करण्यासाठी हे फोटोशूट असेल. माझी मस्ती आणि तुमच्या क्रिएटिव्ह कल्पना त्याला आणखी बेस्ट बनवतील. मी माझ्या प्रत्येक शूटमध्ये 100 टक्के मेहनत करते. परंतु त्यापलीकडे माझी एक वेगळी बाजू आहे. माझी बेबी साइड आणि मस्ती साइड.. हेच माझं खरं रुप आहे. समजलं ना तुम्हाला?’

कोण आहे रुही सिंह?

रुही सिंह ही मॉडेल आणि अभिनेत्री आहे. तिने 2011 मध्ये फेमिना मिस इंडिया ईस्टमध्ये भाग घेतला होता. या स्पर्धेत ती फर्स्ट रनर अप ठरली होती. त्यानंतर 2012 मध्ये तिने फेमिना मिस इंडियामध्ये भाग घेतला होता. त्यात ती टॉप 10 स्पर्धकांमध्ये स्थान पक्कं करण्यात यशस्वी ठरली होती. सोशल मीडियावर तिचा मोठा चाहतावर्ग असून इन्स्टाग्रामवर तिचे 2 दशलक्षांहून अधिक फॉलोअर्स आहेत. रुहीने ‘चक्रव्यूह’, ‘स्पॉटलाइट’, ‘परछाई’, ‘बँग बँग’ आणि ‘रनवे लुगाई’ यांसारख्या सीरिजमध्ये काम केलंय. रुहीने तिच्या करिअरची सुरुवात 2015 मध्ये मधुर भंडारकर यांच्या ‘कॅलेंडर गर्ल्स’मधून केली होती.