सरपंच संतोष देशमुख हत्या प्रकरणी खळबळजनक अपडेट | VIDEO

योगेश काशिद , साम टीव्ही प्रतिनिधी, बीड

महाराष्ट्राला हादरवणाऱ्या मस्साजोग सरपंच संतोष देशमुख हत्या प्रकरणात खळबळजनक दावा करण्यात आला आहे. या निर्घृण हत्या प्रकरणातील फरार आरोपी कृष्णा आंधळे हा ३ वेळा गावी येऊन गेल्याचा दावा धनंजय देशमुख यांनी केला आहे.

धनंजय देशमुख काय म्हणाले?

संतोष देशमुख हत्या प्रकरणातील आरोपी कृष्णा आंधळे फरार आहे. हाच आंधळे तीन वेळा गावी येऊन गेल्याचा दावा धनंजय देशमुख यांनी केला आहे. सहा महिन्यांत आम्हाला जी माहिती मिळाली, ती सीआयडीला कळवली आहे. तीन वेळा कृष्णा आंधळे हा आरोपी गावाकडे येऊन गेला. ही माहिती खरी होती. आरोपीकडे कुठलाही मोबाइल नाही. त्यामुळे तपास यंत्रणेला त्याला शोधण्यात अडचणी येऊ शकतात. आरोपीकडून आमच्या सर्व कुटुंबाच्या जीवाला धोका आहे. हे आरोपी सैतानी वृत्तीचे लोक आहेत. लवकरात लवकर कृष्णा आंधळेच्या मुसक्या आवळून पोलीस प्रशासनाने त्याची धिंड काढावी. त्याला अटक करावी अशी आमची मागणी असल्याचे धनंजय देशमुख म्हणाले.